14-15 Naskata Jesúspa rakati keskara chaibawata rakati keskara beedi. Naskaidu na daa eweaiwu netediwu. Jesúspa yuidi: “Daetapã, ẽ bia yui: ‘Widiwe’, ẽ bia wai”, wadi. “Widiwe”, waidu ma dawiax tsauwinakawãdi. Naskata tsaidi. Naskadu Jesúspa awa inadi.
Iyubawa wichita Diaiwu Diospa ubisbadi. Yuidi: “Siaiyabawe”, wadi.
Chadiyaiwudu na Judea bai aduawawe dikakĩ wetsadiwu Jesúspa daetapa daa widibada. Na Judea chaiba ipaudiwaweri dikakĩ wetsadiwu.
Naskayaitu Jesúspa yuidi: “Dawiyaiwawe ẽ atu ibapaketiru. Naa ea ikũira waa dawiake ẽ widibatiru ewe ipaxanu.
Epa Diospa yura daadu kayawata ibapaketiru. Awẽ Wake Jesúspari naskawatiru. Yura daadu kayawata ibapaketiru.
Ẽ batu yuikuinu. Iskaratiã na daawawe ewẽ tsai dikakadax Epa Diospa awẽ Wake dikayaiwu naawu ipadakawu.
