3 Naskadu Satanás Judaski ikidi. Judas ade raweya ipaudi. Awẽ ade wetsa Iscariote ipaudi. Naa Jesúspa nichipaudi wetsa ipaudi.
Ea dikakapu. Na ewe rawebisturuku na ea duikaspabiswu atu ea achibadai da mesa adu ewe rakaki.
Santiago wetsã awẽ wake Judas, Judas Iscariote naatu Jesús duikaspapaudiwu atu achibaxiwai Jesúswe rawebiswixu. Nawu Jesúspa atu kañawadi.
Aduri yuikuidiba awayabawu duibixakĩ. Judas yubetsu idi na awayabawu atu awa inapaudiba pei kexewixu pei udepaudi.
Jesúspa awiana atu yuidi: “Atiwi ẽ batu yuiba. Ma ẽ atu tapia na ẽ kañawabiswu. Naawu ẽ yui. Na Dios tsai kedea keskawaidaka: ‘Na eweta piyaitu ea duikaspabis’ ”, Jesúspa atu wadi.
Yabeta piyuwawubadu Satanás Judas Iscariotepa awẽ uĩti mera ikixu ma shinaba idi. Na Jesús duikaspabiswu atu achibanu. Judas Iscariotepa awẽ apa Simón idi.
