3 Jesúspa auxũ tapipaudiwu atu yuidi: “Ẽ batu yuikuinu. Da iyubawa awayabatu ichapa ina. Na awa yupayaiwubawawe ichapa inawuba.
Ẽ batu yuikuinu. Awẽ diaiwawe naatiiwi awenawu kexebaxiwi.
Iyubawa awayabatu pei sapa wake rawe miiyaituriwi uĩdi. Askara pei sapã tsuã awa ichapa witiruba ipaudi.
Naawawe atũ pei sapawu na atuki texea inawu. Da iyubawa pei sapa ichapayayabawixu nikisi ina. Datiã awane awẽ piti witiruba”, Jesúspa atu wadi.
Profeta Elías ipauditiã tres wari ita seis uxe ui wediba. Israel bai adu ipaudiwutii wunaipaudiwu. Ẽ batu yuikui. Israel adu iyubawawu ichapa ipaudiwu.
Ẽ batu yuikuinu. Na dudu ewe diawawe atiriwawe dakaxuba uĩxikadi Dios yurawawe atũ diaiwu”, Jesúspa atu wadi.
