1 Peda wetsa Jesúspa oración pexe aduxu yurawu tapibadaidu atu Diospa tsai shara yuiyaidu sacerdotewawe atũ diaiwuu, na dukuwedewawe na Diospa Moisés kedebadi yurawu atu tapibapaudiwuriwi, judíowawe atũ diaiwu judíowuuriwi naawu Jesúski wediwu.
Duduri ñukadiwu: “Duku yuiwe. ¿Watu diaiwawe bia kekẽauxũ na mi abiswu mi akime?” waiwawe
Wetsatiã na yura ipaudiwu arixu Jesúspa Diospa tsai shara yurawu atu yuiwuwasawadi. Atu yuidi Dios yurawawe atũ diaiwu ipai. Naskaidu na dukuwede doce Jesúspa nichipaudi nawu awe wuwasadiwu.
Jesúspa atu yuidi: “Ẽẽkai ude awa atu yuibisba. Naatiiwixu ea dikanuwu ẽ atu yuibis. Ẽ matu ichanati pexe wisti meraxu yuita oración pexewu meraxu ẽ judíowu yuibis. Ẽẽkai ewẽ tsai ẽ udebisba.
