21 Jesús kaĩta ocho peda ma ikadu apaweta awã awẽ wichi wetsa xatebadiwu. Naskata adediwu Jesús. Naa ade dai arixu Diospa tsai webistu adedi idi Maríane wake dadeyuabadu.
Datiã werunawakewu kaĩyawudu ma kaĩtadu ma ocho peda ikadu atũ wushki wichi xatepakedaka. Na atu peiuxũ wibis atũ wakewuri mi xatetiru.
Ea dikapu. Mi wake dadei. Mi werunawake kaĩxiwi. Adekĩ: ‘Jesús’, mi waaxiwi.
Ma ocho peda ikadu Zacaríaspa awẽ pexe adu wudiwu. Awẽ wake awẽ wichi xatei wukadi wudiwu. Apã adekiri adepaiyaiwudu awã yuidi: “Adurikai awẽ ade ikiba. Awẽ ade Juan iki”, wadi.
