Lucas 16:2 - Yura porciones de la biblia

² Naskaiwawe dikakĩ kedaxu yuidi: ‘Ẽ dika mia unewawaĩdi. Na mi inabetsakakaĩdawu nikisi ea kedepakexuwe. Naskatariwi na mi pei sapauxũ wiwawaĩdawu nikisi ea kedepakexuwe. Ana mia yuduxuibaki’, wadi.

Lucas 16:2 交叉參考

Lucas 12:20

Naskawiyaitu Diospa yuidi: ‘¡Mi tatiba! Da yabeta mi dai. Ma mi daitadu na mi bekebiswu wetsã wiwaidakaki’, Diospa wadi.

Lucas 12:42

Naskawaitu Diaiwu Jesúspa yuidi: “Dukuwede awẽ diaiwawe diaiwuwatiru awẽ uibati wetsawu kekẽxunu. Naa tapiwaĩka itiru. Naaturiwi awẽ diaiwawe kekẽa keskawatiru. Naa keskara ikawe. Awẽ diaiwawe naa kekẽwaĩxiwi pedatiiwi awẽ uibati wetsawu pibaxunu.

Lucas 16:1

Awa aweskadu dai ari ikawu idibatiruwu na udua Jesúspa auxũ tapipaudiwu atu yuita tsai wetsawaxu atu yuidi: “Dukuwede awa yupaiba ipauditu wetsa iwuwabadi awenawu kexexunu. Peda wetsa wetsawawe na dukuwede awa yupaiba adu wukaxu ñuadiwu: ‘Na dukuwede mi iwuwabayabeatu mewenawu bia unewawaĩdi’, wadiwu.

Lucas 16:3

Naskawaitu dikakĩ na diaiwawe iwuwabaditu shinadi: ‘¿Ẽ aweskaime? Ewẽ diaiwawe ewẽ yudu aduxu ea tsekadu ẽ pei sapawuya iwaidakaba. Ẽ bitsisipaba. Naskake ẽ bai pukitiruba ẽ pei sapawu wiixikĩ. Ẽ yurawu pei sapawu ñukapaiba. Ẽ naskai rawĩnawaĩxatiru.