5 Askarabaki. Shinakawe ana chakayabaxikĩ ma daadu baturi nikisi Diospa ubiskuibayabanu”, Jesúspa atu wadi.
Askaraba. Ana chakayabaxikĩ shinakawe ma daadu baturi nikisi Diospa ubiskuibayabanu.
Yura ichapaba ikawu adu awẽ ade Siloé nadu pexe keyakui dieciocho yurawuki pakeaidu naawu daitawu. Maawawe shina: ‘Naa daitawu naskaitawu chakakuiwu iwawaĩkadax. Na pexe ichapa Jerusalén adua wetsawu chakakuiwuba’, ma ika.
Jesúspa tsai wetsawaxu yurawu atu yuidi: “Dukuwene wai babaki uvawu wadababis adu iwi higuera wadadi idi. Na wai iwawe higuera wibi wipai kakĩ uĩya wibiyaba idi.
