57 Ewẽ Epa ipadakatu naatu ea nichidi. Naskai ẽri a uduax ipadaka. Naskariwiyai ea ikũira wakadax ẽ uduax ipadakawu.
Da bai aduxu ea ikũirawaawubawawe ea ana ma uĩyuuxiba. Naskaweke maawawe ea uĩxiwi. Ẽ dayuxiwi. Awiana ẽ widixikĩ.
Jesúspa kebadi: “Ẽ uduax ewẽ Epa adu ma dukutiru. Ẽ na waitapiakui keskara. Yurawu ẽ uduax ipatiruwu”, atu wadi.
Naskake ẽ bia atu kiwĩxui na nu shinai keskara wisti shinanuwu na bia ikũirawaawawe. Naskake yura chakawawe ikũira wanuwu ea mia nichidi.
Epa Diospa yurawu atu chakawanu awẽ Wake nichidiba. Euxũ atũ chaka putakata sharanuwu nichidi”.
Epa Dios dua yurawu naatiiwi diawu. Naskake awẽ Wakeriwi awẽ bitsisipa inadi yurawu naatiiwi widitiru.
Jesúspa atu kebadi: “Epa Diospa ea nichidi ea ikũira wakawe. Naskara Diospa dui”, Jesúspa atu wadi.
Ewẽ shinama na ẽ apaiyai aaxikĩ dai ariax ẽ udiba. Ewẽ Epã ea nichidi. Naskake ewẽ Epa awẽ shinama aaxikĩ ẽ bai adu udi.
