1 Domingo wenamarikui pedabadu María Magdalena na Jesúspa awẽ kaya bakex kidi mera waitawu adu uĩ kai kadi. Dukuxu uĩya na bakexewa kidi wepua ma apekebea idi.
Jesús awiana shinabetsayana atu baiwabiswu adu kadi. Kidi ruwewãne wepua idi.
Naskata kidi ruwe wepua tsekadiwu. Naskaidu Jesúspa dai ari uĩyana yuidi: “Epã aichu ẽ biki idibadi. Ma mi ea dika.
Jesús cruzki bastawudu nadu awa María idi. Awa wetsari nadu idi María. Naatu awẽ wede Cleofás ipaudi. María Magdalenari nadu idi.
Ocho peda ma ikadu Jesúsuxũ tapibiswu awiana pexe wisti adu ichanawu idi. Naduriwi Tomás atuwe idi. Weputi ma wepuwiawu Jesús ikikaĩdi. Atu nexpakaya nixu atu betakaxadi: “Epa Dios batu sharawanu”, atu wadi.
