7 Mia yuiya keskara naatiiwi ẽ atu yuibis. Nawu ma tapiawu.
Ma dawiax awiana ẽ dasua ma ea tapinupukui ewẽ Epawe ẽ ika. Ma ewe ika. Ẽriwi batuwe ika.
Epa Diospa awẽ awarawu naawuri ewena. Naskake: ‘Espíritu Santo euxũ batu tapibai unupukui’, ẽ batu waa”.
Ewenawu mewena. Mewenawu ewena. Naawuxũ mewẽ bitsisipa ea mia inadi.
“Ẽ udua tapibiswu ea mia inadi mi awe keskaramaiki ẽ atu uĩbanu. Dawu mewenawu ipaudi. Nawuwawe bia ikũira waawu.
Mi ea yuiya keskara ẽ atu tapibaitu ma tapiawu. Ikũkui bi aduax ẽ udi ma tapiawu. Na mia nichidi ikũira waawu.
Naskake Jesúspa atu yuidi: “Maawawe cruzki bastaxu widibakata Dukuwene awẽ Wake ma tapixiwi tsuamaiki. Ewẽ Epa awẽ bitsisipaya ẽ. Ewẽ shinama awa ẽ atiruba. Ewẽ Epa ea yuiya ẽ atiru.
