12 Da bai adu iyuxu ẽ atu kexesharabis mewẽ ade bitsisipauxũ na ea mia inadi. Wistikai wedubisba. Askataba ma wisti wedua. Naskara Epa Dios awẽ tsai kedea”, Jesús idi.
Jesúspa awiana atu yuidi: “Atiwi ẽ batu yuiba. Ma ẽ atu tapia na ẽ kañawabiswu. Naawu ẽ yui. Na Dios tsai kedea keskawaidaka: ‘Na eweta piyaitu ea duikaspabis’ ”, Jesúspa atu wadi.
“Ẽ udua tapibiswu ea mia inadi mi awe keskaramaiki ẽ atu uĩbanu. Dawu mewenawu ipaudi. Nawuwawe bia ikũira waawu.
Naskadi na rewu yuidi keskai: “Na mia inadi ẽ weduaba”.
Ewẽ Epã ea nawu ina e adu weawu. Naskatari iki weaiwawe ẽ atu putadakaba.
