30 Na udua ẽ batu yuibis: ‘Naa ui na bitsisipakui ẽ winuaba. Ẽ udiabadu naa ma udia idi’.
Tapipaiyaiwawe Juanpa atu yuidi: “Ẽ ene ẽ batu bautizawai. Wetsa chipu ui. Naa bitsisipa. Ẽ askaraba. Naatu awẽ Espíritu Santopa batu bautizawaaxiwi. Chiĩriwi batu bautizawaaxiwi. Ẽ awẽ uibati itiru ẽ beeiba.
Juanpa Jesús udua tsai yuikĩ iskawadi: “Na udua ẽ batu yuibis bitsisipakui chipu ui naa ẽ udiyabadu ma udia idi”, Juanpa atu wadi.
Chipu ui naatu ea winua. Na bitsisipakui. Ẽ sharaba awẽ uibati ipana”, Juan idi.
Ẽ tapiaba idi. Naskaweke Epa Diospa ea nichidi ene yurawu ẽ atu bautizawanu israeliwawe tapinuwu”.
Naskake nadu yurawu aki wediwu. Yuidiwu iskawakakĩ: “Jesúspa Diosuxũ awarawu akĩ duku uĩbai. Juanpa askawapaudiba. Naskaweke na Juanpa Jesús udua duku yuidi ikũkui”, ikadax yuinadiwu.
