3 Naskatari siete peiya wedewu ikibata siete peiyawawe atũ awĩ ikibawe naa yuyabiswu naawu bai adu ipaxanuwu.
Peiyawuri nama xaratiruwuri yuina wetsa keskara rawe naawu xaxuwã mera bewe ikinuwu naawu asayabanuwu.
Yuina sharakuiwuri nu pitiru atu ikibawe siete dukuwede siete awĩwu. Na nu pitiruba wede wisti ikibata awĩ wisti ikibawe.
Siete peda ikadu ẽ ui ibaxiwi taewakĩ cuarenta peda ui inu cuarenta yabetari ui inu. Naskaxu ẽ naatiiwi adaitikuixiwi naa ẽ udiwadiwu”, Epa Diospa Noé wadi.
Naskatari yuina sharakuiwu ikikata na nu pitiruwubawuri ikidiwu. Yuina nu pitiruwuri ikidiwu yuyabiswu xaratiruwuri.
Naskadu xaxuwã meraduax kaĩta Noépa ruwewu petsaidaxu naa kabakixu yuina peiyawu nu pitiruwu sharakui Dios kuwaxudi inaxikĩ.
