3 Naskake dukuwene diaiwu faraón kexebistu awẽ pexe adu atu nichidi na cárcel mera ikawu adu. Nadu José ika idi.
Ismaelitawawe José iyuawudu Egipto adu ikatu dukuwede awẽ ade Potifarpa José peiuxũ widi. Egipto adu diaiwukui faraón idi. Naatu Potifar diaiwuwaa soldadowawe atũ diaiwu.
Naskaxu atu yuidi José achinuwu. Naskata faraón awẽ cárcel mera yurawu ikawu mera José nichidi.
Naskakata cárcel mera atũ diaiwawe José diaiwuwadi cárcel meraduawu atu kexeta atu yuinu awara anuwu.
Cárcel mera atũ diaiwawe ana shinachakadiba Josépamai naatiiwi kexeke. Dios Joséwe ipaudi. Naskake na akai sharakui ixupaudi.
Na cárcel meradua atũ diaiwawe José kexebadi na faraónna yuduxubis rawe. Nadu ipaudiwu.
Diaiwũ mi panadero atũ diaiwu yawi dukuki sidakĩ mewẽ uibati rawe mi duku cárcel mera ikibayabea soldado atũ diaiwawe duku kexenu.
