1 Abraham na ibis adua bai Négueb adu kadi. Cadésweta Surpa dakiwaawu Guerar nadu Abraham idi.
Naskake Isaac Guerar adu netedi.
Abraham iyuadu na idi keskai Canaán bai aduax yurawu wudidiwu. Naskake Isaac Guerar adu kadi. Filisteowawe atũ diaiwu Abimélec idi.
Epa Dios Abrahamki dukudi iwi awẽ ade Mamré adu awẽ yuina wichi tapas mera kaĩti adu tsauwadu mananawari wari paeyaidu.
Peda wetsa Guerar aduax Abimélec udi Isaacwe tsaiki ui. Soldadowawe atũ diaiwu Ficol Abimélecwe udi. Naskata Ahuzat Abimélec tsai shinababisri udi.
Guerar ikawuwe Isaacwe yudubiswawe atuwe setenadiwu: “Da ede nukuna”, idiwu. Naskake Isaacpa ede adekĩ Setenawu, wadi.
Tsua ikabadu Isaac ipaudi bai adu awẽ ade Négueb. Naskata ñatapake bai meraduax ede tsekeaidu dukudi awẽ ade Na Epa Dios Ipadakatu Naatiiwi Uĩ wapaudiwu.
Abram tsekedi Egipto aduax awẽ awĩwe. Awẽ pia Lot atuwe kadi. Atũ awarawuya dasudiwu bai Négueb adu.
Naatiiwi na Canaán awẽ kaiwuu uduax ichapanawã kaĩpakedakawu na baitiu atũ bai ewapa na Guerar aduax pexe ichapa Sidón ari dukudiwu. Naduax pexe ichapa Gaza adu dukudiwu. Naduax pexe ichapa Sodoma Gomorra Admá Seboím Lesa aduri Canaán kaiwuunuax ichapanawã kaĩpakedakawu atũ bai ipaudi.
Datiã pozo awẽ ade Na Epa Dios ipadakatu naatiiwi uĩ. Datiãriwi naa pozo nadu Cadés yawi Béred nexpakaya.
Naskaweke Epa Dios awẽ ángelpa Agar wichidi tsua ikabadua. Nadu pozo keskara idi pexe ichapa wai kaa Sur adu.
Abramweta Sarai wake atiruwuba ipaudiwu. Naskawia Sarai uibatiya idi bai Egipto adua awẽ ade Agar.
Naskaxu Quedorlaómerwe diaiwu wetsawu atũ soldadowuya dasudiwu. En-mispat bai adu dukudiwu. Awẽ ade wetsa Cadés adu. Wukakĩ na uĩyaiwu atu retediwudiwu na ichuitawu amalecitawawe atũ bai aduxu. Naskatari. Na atu aka keskawadiwu amorreowuri daawu bai Hasesón-tamar adu ipaudiwu.
Naskata Abram wenamashta bai betu adu wudiwu tsua ikabadu awẽ ade Négueb.
Awẽ rewuduwu Havilá bai yawi Sur bai nexpakaya nadu ipaudiwu. Nadu chaibashta Egipto bai. Naduri Ismaelpa rewuduwu ikadu wai Asiriaki dukua idi.
Wari ichapa filisteowawe atũ bai adu Abraham ipaudi.
