Yaya 7:39 - Ala la kitabuenu Mɔgɔfin kuma tɔ

³⁹ Isa be Hakkili Saniyandeŋɛ le la ko fɔla. Minnu tini dɛnkɛnɛya a ma, anu be Hakkili Saniyandeŋɛ le sɔtɔla. Wo ka a taran, Hakkili Saniyandeŋɛ ma jigi, bayi Isa ma kunnawule sɔtɔ betunna.

Yaya 7:39 交叉參考

Kiilanu 2:17

‹Ala ko: n si min ma dunuya la baŋɛnu tɔ, wolo mu kɛ la: n si n Hakkili saniyandeŋɛ lajigi Adamadeŋɛ bɛ le ma: wo la den kayireŋɛnu anun wo la den musereŋɛnu si nabiyonmɛ kuma fɔ le. Wo la kamareŋɛnu si laamutenu yen, wo la kayibanu tugun si kibo le.

Kiilanu 2:33

A to yɛlɛta, a sigita a Baaba Ala bolo ɲinma tɔ, jɔnɔn Ala ka a Hakkili saniyandeŋɛ don a bolo iko a ka lahire jigan a ye ki min na, ale tugun ka a lajigi mɔ ma, awa wo yɛtɛ be kɛ-lɛ mɔɛren kɔtɛ, wo mɛn be a yenden.

Kiilanu 2:4

Wo butɔ, Hakkili saniyandeŋɛ be sabatiren anu bɛ tɔ, wo kɔma anu bakkuta sii gbɛtɛ la kumanu fɔla iko Ala Hakkili saniyandeŋɛ ka a dii anu ma ki min na dɔndɔ dɔndɔ.

Yaya 16:7

Adun, n ni tɔɲa fɔ wo ye, n na taga le fisa wo ye. Ka n ma taga, wo Sabu Ɲinma te na wo ma. Kɔnɔ ka n tagata, n si naa a lasanba le wo ma.

Yaya 12:16

Wo wagate, Isa la talibenu ma fahamu sɔtɔ wo koe ma betunna. Kɔnɔ Isa ka kunnawule sɔtɔ wagate min tɔ, anu naata a talɔn de sɛbɛre ka wo koenu fɔ le a la ko tɔ, ka a fɔla mɔgɛnu si naa wo koenu ma a ye.

Kiilanu 2:38

Piyɛri ka anu jaabi, a ko: «Wo tuubɛ, jɔnɔn wo ni suwɛ je tɔ dɔndɔ dɔndɔ Isa tɔgɛ la, Ala la mɔgɔ masubɛreŋɛ, alako wo la junubenu ni kafari. Wo butɔ, Ala si wo kɔ a Hakkili saniyandeŋɛ la.

Yaya 20:22

A to banta wo fɔla, a ka a da fɔɲɛ fe anu ma, a ka a fɔ anu ye: «Wo Ala Hakkili Saniyandeŋɛ labita!

Yaya 12:23

Isa ka anu jaabi, a ko: «Wagate bata ke, Ala ni nde Adamadeŋɛ kunnawuli.

Kiilanu 4:31

Anu to ka Ala mataraŋɛ ban, anu be madɛnden dula min tɔ, ɲɔ sɛrɛnta. Hakkili saniyandeŋɛ ka sɛnbɛ dii anu bɛ ma, anu fɔlɔta Ala la kuma fɔla limaniya la.

Kiilanu 3:13

Ade, Iburahima nun Isiyaka nun Yaguba la Ala, mɔ benbanu la Ala, wolo bata a la jondeŋɛ Isa kunnawuli, wole ka min to mansa Pilati sagoe tɔ. Wo tanbi kɔma, a boloka sɔgɛ be Pilati la wagate min tɔ, wole nɔn ka a aɲɛ a ɲala.

Yaya 17:5

N Baaba, kɔtɛ, nɔɔra min be n ma nun i kɛnna, yannun dunuya ni da, i ni wo nɔɔra jigan i ni n kunnawuli wo la i yɛtɛ kɛnna.

Yaya 14:13

Wo ka Ala mataran fenfen na n tɔgɛ la, n si wo ma le, alako n Baaba la nɔɔra ni makɛnɛn nde a la den kayireŋɛ la ko sabu la.

Yaya 7:12

Da kɔtɔ kuma min be fɔla a la ko tɔ jama tɛma, a siyata. Donu ko: «Mɔgɔ ɲinma le.» Donu ko: «Ade, a be mɔgɛnu le latantanna.»

Yaya 6:14

Wo mɔgɛnu ka Isa la kabanakoe mareŋɛ yen wagate min tɔ, anu tota a fɔla: «Nabiyonmɛ min bɛnta nala dunuya, wolo yati mu kɛ la.»

Yaya 1:33

Nde yɛtɛ ma a la ko lɔn nun, kɔnɔ Ala min ka n sɔ mɔgɔ lasuwɛla je tɔ, wolo ka a fɔ n ɲɛ, aa n tini Hakkili saniyandeŋɛ yen jigila min ma, a sigita a ma, wolo be mɔgɛnu lasuwɛla Hakkili saniyandeŋɛ la.

Yaya 1:25

Wolo mu, anu ka a maɲininka, anu ko: «I be mɔgɛnu lasuwɛla je tɔ fenna, ka a taranta Ala la mɔgɔ masubɛreŋɛ ma ile la, ka wo ma annabi Eli, ka wo ma nabiyonmɛ min bɛnta nala?»

Yaya 1:21

Anu ka a maɲininka: «I ko wo tɔ kama? Annabi Eli le mu ile la ba?» A ka anu jaabi: «Wo ma nde la de!» Anu mɛn ko: «Nabiyonmɛ min bɛnta nala, wolo mu ile la ba?» A ka anu jaabi, a ko: «Ade!»

Luki 24:49

N Baaba ka lahire min nakiti wo ye, nde si wo lasanba le wo ma. Wole kan kana bɔɔ Darisalamu saa butɔ han Ala sɛnbɛ tini bɔɔ saŋɛ tɔ wagate min tɔ ka jigi wo kunma.»

Luki 7:16

Mɔgɛ bɛ kilanta, anu tota Ala matɔgɔla, anu ko: «Nabiyonmɛ belebele bata wuli mɔ tɛma; Ala bata hinnɛ bani Isirayila jama la.»

Luki 3:16

Wo butɔ, Yaya ka a fɔ anu bɛ ye, a ko: «Nde be wo lasuwɛla je le tɔ, kɔnɔ do si na min sɛnbɛ kolo nde ko. Wo be wo lasuwɛla Ala Hakkili saniyandeŋɛ le la anun ta. Biliya bele n bolo, hali a la samatanu jule fulen koe la.

Yaya 14:26

Kɔnɔ n Baaba si wo Sabu Ɲinma lasanba wo ma n tɔgɛ la, min tabɛnden Hakkili Saniyandeŋɛ ma; wolo si wo degen koe bɛ la. N ka kuma min bɛ fɔ wo ye, a si wo talɔn de wo bɛ la.

Yaya 8:54

Isa ka anu jaabi, a ko: «Ka n ka n yɛtɛ matɔgɔ, tɔnɔ yo bele wo tɔ. N Baaba le be biliya diila n ma, wole be a fɔla min ma, aa a mu wo tɛn Ala le la.

Yaya 16:14

Ale si n kunnawuli le, bayi a be n fɔri kulɛ le ɲatabɔla wo ye.

Yaya 17:1

Isa to banta wo kumanu fɔla, a ka a ɲa layɛlɛ kantɔ, a ko: «N Baaba, wagate bata ke. I ni nde i la den kayireŋɛ la kunnawule makɛnɛn. Wolo si a ma nde tugun ni i la nɔɔra makɛnɛn.

Kiilanu 19:2

A ka anu maɲininka, a ko: «Wo dɛnkɛnɛyata wagate min tɔ, wo ka Ala Hakkili saniyandeŋɛ sɔtɔ le ba?» Anu ka a jaabi: «Mɔ ɲan ma wo mɔɛ betunna, ka Hakkili saniyandeŋɛ be.»