Yaya 1:45 - Ala la kitabuenu Mɔgɔfin kuma tɔ

⁴⁵ Filipu tagata mɔgɛ do taran min tɔgɔ Natanayeli, a ka a fɔ a ye: «Musa ka min na ko fɔ Taureta tɔ, a nun nabiyonmɛnu tugun ka min na ko fɔ, mɔ bata a yen: Isa Nasarɛti kaa le mu, Yusufu la deŋɛ.»

Yaya 1:45 交叉參考

Luki 24:27

Wo butɔ, fenfen be sɛbɛren a yɛtɛ la ko tɔ kitabuenu bɛ tɔ, ka fɔlɔ Taureta Musa han ka naa ke nabiyonmɛ tɔɛnu bɛ la kitabuenu ma, Isa ka wo bɛ fasari anu ye.

Luki 24:44

Wo kɔma, a ka a fɔ anu ye, a ko: «N be wo fɛ fɔlɛ tɔ wagate min tɔ, n tota wolo fɔla wo ye, ka fenfen be sɛbɛren n na ko tɔ, a fɛrɛ bele fɔ wo bɛ ni kamali. Min be sɛbɛren Taureta Musa tɔ, anun nabiyonmɛ tɔɛnu la kitabuenu tɔ, anun Jaburu kitabue tɔ, wo bɛ ni kamali.»

Luki 4:22

Awa, mɔgɛ bɛ tota a tɔgɔ ɲinma fɔla, anu kaabɛta a la kuma diyama ma, min be bɔɔla a da tɔ. Anu tota a fɔla: «Bɔ, Yusufu la den kayireŋɛ ma kɛ la ba?»

Yaya 18:7

A mɛn ka anu maɲininka tugun: «Wo be ɲɔmɔ ɲinila?» Anu ko: «Isa Nasarɛti kaa.»

Ko fɔlɔfɔlɛ 22:18

I bata n na kuma bita, dunuya mɔgɛ bɛ be hɛra sɔtɔla ile le bɔnsɛnu fɛ.»

Ko fɔlɔfɔlɛ 49:10

Mansa tungare be naala tola Juda bɔnsɛ le bolo. Mɔgɔ yo te mansaya nɔɛ bɔɔ a bɔnsɛ bolo. Fɔ a tige tini na tɛmuɛ min tɔ, see bɛ mɛn ni naa sujudu a ye.

Ko fɔlɔfɔlɛ 3:15

N si jaguya to i nun muse tɛma, n si jaguya to i bɔnsɛ nun a bɔnsɛ tɛma. A bɔnsɛ si i kuŋɛ te, ile tugun si a tingiliŋɛ kin.»

Kiilanu 22:8

N ka a jaabi: ‹Marige, i mu ɲɔmɔ la?› A ka a fɔ n ɲɛ aa Isa Nasarɛti kaa le mu ale la, n be kitiren min ɲagankata koe la.

Kiilanu 10:38

Wo mɛn ka a lɔn, Ala ka Isa Nasarɛti kaa masubɛ ki min na a ka a kɔ Hakkili saniyandeŋɛ barikɛ la. Wo mɛn ka a lɔn tugun, Isa to be tanbila dula bɛ tɔ a be ko ɲinma mala, a mɛn ni mɔgɛnu bɛ lakendeya minnu be Sentanɛ sagoe tɔ, bayi Ala le be a fɛ.

Yaya 21:2

Simɔn Piyɛri, nun Tomasi anu be min ma «Fɛrɛŋɛ», anun Natanayeli min be bɔɔren Kaana saa tɔ, Galile duge tɔ, anun Sebede la den kayireŋɛnu, anun Isa la talibi fila donu, anu bɛ le mu.

Luki 2:4

Wo butɔ, Yusufu tugun bɔɔta Nasarɛti saa tɔ, saa min be Galile duge tɔ, a ni taga han Dauda la saa tɔ ka min tɔgɔ Betilɛmu, Juda duge tɔ, bayi ale mu mansa Dauda bɔnsɛ nun a juruya le la.

Kiilanu 26:9

Fɔlɔ nun, nde yɛtɛ ko, fɔ n ni kata kila bɛ la, n ni kɛlɛ tɛgɛ Isa Nasarɛti kaa ma.

Kiilanu 3:6

Kɔnɔ Piyɛri ka a fɔ a ye, a ko: «Nɛgɛ bele n bolo feu, kɔnɔ min be n bolo, n be wolo diila i ma: Ala la mɔgɔ masubɛreŋɛ Isa Nasarɛti kaa tɔgɛ la, wuli, i ni tagaman!»

Kiilanu 2:22

Wole bani Isirayila bɔnsɛnu, wo kɛ kuma lamɔɛ: Ala le ka Isa Nasarɛti kaa sɔ wo ye: a ka a yita wo la, ko sɛnbɛmanu nun kabanakoenu nun laamutenu le fɛ, a ka minnu ma ale la ko tɔ wo tɛma, iko wole yɛtɛ ka a lɔn ki min na.

Yaya 19:19

Wo ka a taran, Pilati ka yamɔre sa anu ni sɛbɛre ma, ka taga a bakku Isa la lɔgɔ bangalandeŋɛ kunma. Wo sɛbɛre be a fɔren de: «Isa Nasarɛti kaa le ka, Yahudenu la mansa». Anu ka wo ma le.

Yaya 18:5

Anu ka a jaabi: «Isa Nasarɛti kaa.» A ko: «Nde le mu ka.» Judasi min be a janfala, wo tugun be sɔren anu tɛma.

Yaya 6:42

Anu tota a fɔla: «Bɔ Isa ma ka, Yusufu la deŋɛ? Mɔ ka a baaba nun a nɛɛnɛ lɔn. Kɛ be a fɔla fenna aa ale be jigiren bɔɔla saŋɛ tɔ?»

Luki 3:23

Isa la sɔtɛ ka san bi saba ɲɔgɔn bɔɔ wagate min tɔ, a ka a la wale fɔlɔ. Mɔgɛnu be a miraren de a mu Yusufu la den kayireŋɛ le la. Yusufu mu Heli la den kayireŋɛ le la.

Luki 2:48

A tigenu ka a yen wagate min tɔ, anu kaabɛta koola. A nɛɛnɛ ka a fɔ a ye, a ko: «N na den, i ka kɛ ma mɔ la fenna? I ma a yen, mɔ nun i baaba bata i ɲini, mɔ bata hanmɛ i la ko la.»

Yaya 1:44

Filipu go, Andire go, Piyɛri go, anu bɛ bata mu Betasayida saa le la.

Yaya 6:5

Awa, anu la sigireŋɛ ɲɔ, Isa ka a ɲa lawuli, a ka jama banba yen nala a ma. Wo butɔ, a ka a fɔ Filipu ye, a ko: «Mɔ si dɛgɛ san kɛ mɔgɛnu ye mina le, anu si min dɔmɔ?»

Yaya 6:7

Filipu ka a jaabi, a ko: «Hali wo mɔ ka dɛgɛ san tele kɛmɛ fila sɔŋɛ le la, anu bɛ dɔndɔ dɔndɔ ni donden sɔtɔ wo dɛgɛ la, dɛgɛ si ban de, a te anu bɔɔ.»

Yaya 12:21

Anu tagata anu madon Filipu la, min be bɔɔren Galile duge tɔ, Betasayida saa tɔ. Anu ka a madiya, anu ko: «N tige, a sɔgɔ be mɔ la mɔ ni Isa yen.»

Yaya 14:8

Wo butɔ, Filipu ka a fɔ a ye: «N Marige, i Baaba yita mɔ la, wo si mɔ wasa le.»

Luki 18:37

Anu ka a lalɔn, anu ko: «Isa Nasarɛti kaa le be tanbila.»