Luki 9:42 - Ala la kitabuenu Mɔgɔfin kuma tɔ

⁴² Deŋɛ be a madonna wagate min tɔ Isa la, jinna ka a laboe duge tɔ, a ka a labala a koroŋɛ la. Isa ka jinna koroŋɛ yamɔri a bɛlɛma la, a ka deŋɛ lakendeya. A ka a jigan, a ka a don a baaba bolo.

Luki 9:42 交叉參考

Luki 7:15

A la wo fɔreŋɛ, fure wulita a sigita, a ka kumare fɔlɔ. Isa ka a don a nɛɛnɛ bolo.

Luki 9:39

Jinna be kɛnɛ a tɔɔrɔla. Ka a wulita a la, a ni a lakulɛ, a mɛn ni a labala a koroŋɛ la fɔ kanpa ni to bɔɔla a da tɔ. A ni a ɲagankata a ɲinma la, karahan a ni a boloka.

Luki 9:41

Isa ka a jaabi, a ko: «Wole bɔnsɔ koroŋɛ, wo te dɛnkɛnɛya mukku. N si to wo fɛ han wagati miniman, n ni wo la koe lamuɲu? I la deŋɛ nati yan.»

Luki 9:43

Wo ka mɔgɛnu bɛ makaabɛ han, anu ko: «Alatala kolo.» Anu bɛ to be kaabɛla Isa la maare bɛ ma, a ka a fɔ a la talibenu ye, a ko:

Yaya 6:19

Wo butɔ, anu ka kilo loolu han wɔɔrɔ ɲɔgɔn tagamaŋɛ ma je kunma. Wo tɛmuɛ, anu ka Isa yen kisanna a be tagamanna ba kunma, a be a madonna kuluŋɛ la. Wolo ka a ma, anu kilanta.

Kiilanu 9:41

Piyɛri ka a bole bita a ka a lawuli. A ka mɔgɔ saniyandeŋɛnu kele, sa furuɲa musenu kunma, a ka a kende yita anu la.