9 A ka a fɔ le, bayi wo yɛgɛ siyama bita koe bata a yigitɛgɛ anun minnu be a kɛnna, han anu bata kilan.
Minnu ka kolofen kantalanu la kuma mɔɛ, anu bɛ kaabɛta wo la.
Anu kaabɛta a la karaŋɛ ma, bayi a be kumala yamɔre le la.
Anu bɛ kilanta, anu tota a fɔla ɲɔgɔn ye, anu ko: «Kuma mɔle miniman de mu kɛ la? A to be jinna koroŋɛnu yamɔrila nɔɛ nun sɛnbɛ la, anu be bɔɔla.»
Simɔn Piyɛri kafuɲɔgɛnu, minnu mu Sebede la den kayireŋɛnu la, Yaguba nun Yaya, wonu tugun kaabɛta. Awa, Isa ka a fɔ Simɔn ye: «I kana kilan. Bi kɔma, i te yɛgɛ bita bitugun, i be naala mɔgɛnu le bitala alako anu ni sɔ n kɔma.»
Simɔn Piyɛri to ka wo koe yen, a boeta Isa kɛn kɔtɔ, a ko: «Ee Marige, i matuntun n na, bayi junubutɔɛ le mu n na.»
