A tele sagin luŋɛ, a ni saaka deŋɛ kayima fila jigan, anun saaka muse san dɔndɔ, lanjuru yo bele minnu la. A mɛn ni sugu kolo munge boroŋɛ ɲa dɔndɔ bɔɔ, tule be basanden min fɛ. Sa wo kunma, a ni tule litari tɛma tugun bɔɔ.
Wo saaka den fila tɛma, sarika lakelá ni dɔndɔ jigan, a ni a bɔɔ fan nasaagi sarika la, anun wo litari tɛma tule. A ni wonu lindan nde Alatala ɲala ka a kɛrɛkɛrɛ n ɲɛ.
Ka fɛrɛ bele a bolo wo sarika la ko la, a ni legetere fila, ka wo ma gabu fila bɔɔ sarika la nde Alatala ye. Dɔndɛ ni ma junubu kafari sarika la, doe ni ma sarika bintannɛŋɛ la.
