9 Kɔnɔ Yahudenu minnu be bɔɔren Sirɛni nun Alɛsandiri saanu tɔ anun minnu be bɔɔren Silisi nun Asi duge tɔ, minnu be madɛnna kawandi ma boŋɛ tɔ, min tɔgɔ hɔrɔya mɔgɛnu la kawandi ma boŋɛ, wonu donu wulita, anu ka Etiyɛn nasɔnkɔ.
Kɔnɔ yannun wo koenu bɛ ni ma, mɔgɛnu si wo jokki anu ni wo bita ka wo ɲagankata. Anu si wo don kawandi ma boŋɛ kuntigenu bolo, ka wo sa geele tɔ. Anu si wo doni kiiti dula mansanu bata, anun jamanɛ tigenu bata. Wo ɲagankata bɛ be wo masɔtɔla nde le la ko sabu la.
Wo tɛmuɛ, donu be anu tɔ minnu be bɔɔren Sipiri nun Sirɛni. Wonu tugun tagata ke Antiyoki, kɔnɔ ande be kumala mɔgɛnu tugun ye minnu ma ma Yahudenu la, anu tota Marige Isa la kibaru ɲinma fɔla anu ye.
Nabiyonmɛnu nun karamɔgɛnu be Antiyoki dɛnkɛnɛyabaga jama tɛma minnu be tabɛnden Baranabasi ma, anun Simeyɔn min tɔgɔ Fata fiŋɛ, anun Lusiyusi Sirɛni kaa, nun Manahɛn, min nun mansa Herodu koloyata ɲɔgɔn na, anun Sɔlu.
Anu ka sɛbɛre ma, anu ka a don wonu bolo, anu ko: «Mɔle, wo nɛɛnɛdɔndɛnu, minnu be tabɛnden kiilanu nun kuntigenu ma, mɔ bata wole sii gbɛtɛnu nɛɛnɛdɔndɛnu kɔntɔn, minnu be Antiyoki saa nun Siri nun Silisi dugenu tɔ.
Pɔlu nun Silasi la biyase tɔ, Ala Hakkili Saniyandeŋɛ ka anu latɔn, ka a fɔla anu kana Ala la kuma fɔ Asi duge tɔ, wo butɔ anu ka Firigi nun Galati dugenu takuntu.
Wo be a yenna, wo mɛn be a mɔɛla fɔla Efɛsi saa dɔrɔn ma, fayida a bata ke Asi duge bɛ tɔ, kɛ Pɔlu bata mɔgɔ siyama majuguya ka anu hakkile firifiri, a be a fɔla aa mɔgɛ bole be minnu ɲiɲala, aa batufeŋɛ ma wonu la.
Pɔlu ka a jaabi, a ko: «Yahude le mu nde la, n be bɔɔren Tarisi, Silisi duge saa do le tɔ, n sɔtɔ saa le wo la. Wo saa malɔnta han! N bata i táran, i ni n sago sa n ni kuma kɛ jama ye.»
N ka a fɔ: ‹Kɔnɔ Marige, anu faŋɛ ka a lɔn, minnu be dɛnkɛnɛyaren i ma kawandi ma boŋɛnu bɛ tɔ dɔndɔ dɔndɔ, nde yati be wonu sala le geele tɔ, n be anu botegela le.
«Yahude le mu nde la, n sɔtɔta Tarisi le, Silisi duge tɔ, kɔnɔ n koloyata Darisalamu saa tɔ yan de, n karanta Gamaliyɛli le bolo, a ka n nakaran wo mɔ benbanu la sariya la a kɛɲa yati ma. Ala la ko hanmɛre be n na nun, iko wole bɛ be ki min na bi.
N tota anu ɲagankatala kawandi ma boŋɛnu bɛ tɔ, wagate yo wagate, n mɛn be anu karahanna, anu ni tana kuma fɔ. N na fatiya to tanbita a tɔ, n kitita anu ɲagankata koe la han jamanɛ donu saa butɔ.
