8 Wo tabantaka, mɔ bɔɔta ɲɔmɔ tagata Sesare saa tɔ. Mɔ donta Filipu la boŋɛ tɔ, min mu kibaru ɲinma lakela la, ale tugun be wo kayi wɔrɔwila le ɲaama minnu be kiilanu dɛmanna. Mɔ yigiyata a ma.
Pɔlu la wo kiboe ma kɔma, mɔ laata a la yati, Ala bata mɔ kele, ka a fɔla mɔ ni kibaru ɲinma lake ɲɔ kaanu le ma. Wolo mu, mɔ katata ɲɔ kisanna mɔ ni taga Masedoni duge tɔ.
Mɔ be a miraren Ala batudula be ka min na, mɔ bɔɔta saa kɔma sulen lɔ́gɛ́, mɔ tagata ɲɔ, kɔɛɛ dala. Mɔ ka muse donu taran madɛnden ɲɔ. Mɔ sigita, mɔ tota kumala anu ye.
Awa, a bakkita kulun banba tɔ, a bɔɔta Efɛsi tagala Sesare saa tɔ. A bɔɔta ɲɔ, a yɛlɛta Darisalamu a ka dɛnkɛnɛyabaga jama ban kɔntɔnna, a mɛn jigita Antiyoki saa tɔ.
Mɔle sɔta ɲatɔ, mɔ bakkita kulun banba tɔ tagala Asosi saa tɔ, mɔ be Pɔlu jiganna ka min na, iko a ka yamɔre sa ki min na, bayi ale faŋɛ dita le tagala a kɛŋɛ la.
Talibenu minnu be Sesare, wo donu tugun tagata mɔ masɔ, anu ka mɔ doni mɔ yigiya tɔ kaye do bata, a tɔgɔ Manasɔn, a mu Sipiri kaa le la. Talibi do le mu a la bɔɔla bima.
Wo kɔma, a ka sɔɔri kun fila kele, a ka a fɔ anu ye, a ko: «Wo ni sɔɔre kɛmɛ fila tabɛn, anun sɔɔri soo laborilanu bi wɔrɔwila, anun kala filila kɛmɛ fila; sagafu tini tanbi wo bɛ ni taga han Sesare saa tɔ.
Anu to ka a hanige mɔ ni taga kulun banba tɔ Itali jamanɛ tɔ, anu ka Pɔlu nun gelemanɛ donu don sɔɔri kuŋɛ do bolo, a tɔgɔ Suliyusi, Rɔmu mansa banba la sɔɔri kuruŋɛ kuŋɛ do le.
Mɔ to ka kari saba latanbi Malita sure tɔ, kuluŋɛ do min be bɔɔren nun Alɛsandiri saa tɔ, a ka sama latanbi wo sure tɔ, mɔ tagata wo tɔ. Kuye fila be malasɛren a ma tɔnkuma la, anu tɔgɔ Fɛrɛŋɛnu.
Wo kuma ka jama bɛ hɛnɛ, wo butɔ anu ka Etiyɛn masubɛ, kaye min na dɛnkɛnɛya kolo, Hakkili saniyandeŋɛ barikɛ be a tɔ, ale nun Filipu, nun Pirokori, anun Nikanori, nun Timon, nun Paramena, nun Nikola Antiyoki kaa min donta Yahudenu la diina tɔ nun.
