18 Je yɛlɛta a siyata han. Kulun banba hunbɛta je kunma, a tota yilɛla.
Banbaraŋɛ ka tele bi naani ma duge kunma wo bɛ a be nala. Je siyata han a ka kulun banba tajigan duge tɔ a ka a lahunbɛ je kunma.
Je tota yɛlɛla ɲɔgɔnna le han a ka kɔnkɔ toireŋɛnu bɛ mabutin dunuya.
Je tasaagita. Sarɛtinu, soo laborilanu anun Firauna la sɔɔre bɛ minnu be bani Isirayila kaanu jokkiren ba tɔ, wonu bɛ samata le je tɔ. Hali dɔndɔ ma to anu tɔ.
