11 A be kila kunma tɛmuɛ min tɔ, ɲɔ pinpita. A keta dula do tɔ, a be kila ka min na. A ka kure do jigan a ka a lasori a kun kɔtɔ, a sata ɲɔ.
A wulita saguma piri, a ka kure min nasori a kun kɔtɔ nun, a ka wo jigan a ka a sɔ, a ka a ma kuru manditɛreŋɛ la, a ka tule sa a kun tɛma ma.
Wo kɔma, Yaguba ka a fɔ a bareŋɛnu ye anu ni kurenu matɔnbɔn. Anu ka anu matɔnbɔn anu ka anu madɛn kan dɔndɔ. Anu bɛ ka dɔmɔre ma wo kuru madɛŋɛ kunma.
Tele la dula fɛ, kinnɔgɛ ka Iburama bita ko, a be kinnɔgɛ butɔ, kilaŋɛ keta a ma, dibi banba jigita.
A ka wo dula tɔgɔ sa Betɛli. Wo be a fɔren de: «Ala la boŋɛ». Wo saa tɔgɔ be fɔla le nun Lusi.
