Ko fɔlɔfɔlɛ 22:9 - Ala la kitabuenu Mɔgɔfin kuma tɔ
9 Anu to keta kɔnkɛ tɔ, Ala ka ka min na ko fɔ a ye nun, Iburahima ka sarika bintandula ɲiɲa ɲɔ, a ka lɔgɛnu sa ɲɔ. Wo kɔma, a ka a la den kayireŋɛ Isiyaka kiti, a ka a lasa sarika bintandula tɔ lɔgɛnu kunma.
Alatala ka a yɛtɛ labɔɔ Iburama ma, a ka a fɔ a ye, a ko: «N si kɛ duge bɛ dii le i bɔnsɛ ma.» Iburama ka sarika bintandula ɲiɲa Alatala ye ɲɔ, Ala min ka a yɛtɛ labɔɔ a ma.
Wo kɔma, Iburama bɔɔta ɲɔ, a tagata kɔnkɛnu mafanna, Betɛli saa tele yɛlɛ tɔ. A ka a la tanta sɔ ɲɔ. Betɛli saa tota a tele jige. Ayi saa tota a tele yɛlɛ. A ka sarika bintandula ɲiɲa Alatala ye ɲɔ, a ka Alatala matɔgɔ, a ka a batu.
Iburama ka a la tantanu bɔɔ, a tagata sabati Mamire la lɔgɔ kutu banba be sɔren dula min tɔ. Ɲɔ be Heburɔn saa dala le. A ka sarika bintandula ɲiɲa Alatala ye ɲɔ.
Wo kɔma, Nuha ka sarika bintandula ɲiɲa, a ka Alatala batu. A ka subu ladagɛreŋɛ mɔɔle bɛ jigan dɔndɔ dɔndɔ anun konden ladagɛreŋɛ, a ka a bɔɔ sarika bintannɛŋɛ la.
A be sɛbɛre dula min karanna nun, wolo mu kɛ la, a ko: «A tota iko saaka, anu ka min doni a fagadula, a ka a mɔdɛ, iyon a ka a mɔdɛ iko saaka kontoŋɛ be a mɔdɛla ki min na a ti matɛgɛlá bolo.
Fen de ka a ma mɔ benba Iburahima mata telenbaga la Ala ɲala? A ma fatan a la wali ɲinmanu le la ba? Bayi, Iburahima ka a la den kayireŋɛ Isiyaka dii Ala ma ka a sa sarika bintandula kunma a ni a kannatɛgɛ.
Isa yɛtɛ ka wo mɔ la junubenu doni a bali bangue tɔ, a banbanta lɔgɔ bangalandeŋɛ tɔ. Junube be toren nun mɔ ye iko mɔ tige. Isa la faga sabue ka ma, a banta mɔ nun junube tɛma feu, alako wo mɔ ni to teleŋɛ tɔ kɔtɛ. Wo bata kendeya sɔtɔ a la mamabanu sabu la.
