Ko fɔlɔfɔlɛ 1:26 - Ala la kitabuenu Mɔgɔfin kuma tɔ

²⁶ A tɔɛ la, Ala ka a fɔ, a ko: «Mɔ ni Adama da mɔ yɛtɛ misale la, min mulunta mɔ la. A ni fisamanteya sɔtɔ yɛgɛnu kunma ba tɔ, kondeŋɛnu kunma kantɔ, anun kolofeŋɛnu kunma duge bɛ tɔ, anun bubufeŋɛnu bɛ minnu be buubula duge kunma.»

Ko fɔlɔfɔlɛ 1:26 交叉參考

Ko fɔlɔfɔlɛ 11:7

Mɔ ni jigi mɔ ni anu la kuma mabasan alako anu kana ɲɔgɔn na kuma fahamu bitugun.»

Ko fɔlɔfɔlɛ 2:19

Marigi Alatala ka burun butɔ subenu bɛ da bangue la, anun kondeŋɛnu minnu be kantɔ. A ka anu doni Adama bata, a ni a lɔn a be anu kelela ki min na. Adama ka tɔgɛ min sa anu kunma dɔndɔ dɔndɔ, wo mata anu tɔgɛ la.

Ko fɔlɔfɔlɛ 3:22

Marigi Alatala ko: «Kɔtɛ, mɔgɛ bata to iko mɔle, a ka ko ɲinma nun ko koroŋɛ lɔn. Kɔtɛ, mɔ kana sɔn a ni a bole lafonti a ni malakise lɔgɛ wole do bɔɔ, a ni a dɔmɔ. Ka a ka wo dɔmɔ a la simaya si to dan bele a la.»

Ko fɔlɔfɔlɛ 5:1

Adama bɔnsɛ la tarigu sɛbɛreŋɛ le mu kɛ la. Ala ka mɔgɛ da lun min na, a ka a da a yɛtɛ misale le la.

Ko fɔlɔfɔlɛ 9:6

Mɔgɔ yo ka base labɔɔ a mɔgɔɲɔgɛ ma, a ka a faga, ale tugun base be bɔɔla mɔgɛ le bolo a ni a faga; bayi Ala ka mɔgɛ da a yɛtɛ misale le la.

Yaya 14:23

Isa ka a jaabi, a ko a ma: «Min tini n kanu, wo tigi si n na kuma labatu le, n Baaba tugun si a kanu le. Mɔ nun n Baaba si na le wo tigi dula, mɔ ni sabati a bata.

Yaya 5:17

Kɔnɔ Isa ka anu jaabi, a ko: «Fanni n Baaba Ala be walila, fɔ nde tugun ni wali.»

Kiilanu 17:20

I to be ko nama donu lanala mɔ tole tɔ, wolo mu mɔ be diren mɔ ni wo koenu kɔtɔ lɔn.»

Kiilanu 17:26

A ka see bɛ ma benba dɔndɔ le bɔnsɛ la, anu ni sigi duge dula bɛ tɔ, ale yɛtɛ ka anu la simaya nun anu sigidulanu naaniŋɛ sa.

Yaguba 3:7

Adamadeŋɛ si nɔ le dalifeŋɛ mɔɔle bɛ kolola: subu fatimanu, kondeŋɛnu, bubufeŋɛnu, anun ba tɔ feŋɛnu, adamadeŋɛ bata anu bɛ kolo.

Yaguba 3:9

Wo mɔ Baaba, mɔ be tantue latagala Marige ⸂Ala⸃ ma nɛn dɔndɛ min na, mɔ mɛn be adamadeŋɛ dankala ale le la, Ala be adamadeŋɛ min daren a yɛtɛ misale la.