17 Ka i ma sɔn a la jama bolokala anu ni taga, awa, a si naa siisa da kunamanu boloka le ile nun i la walilanu anun i la jama ma anun i la boŋɛnu butɔ. Misira kaanu la boŋɛnu anun anu la dugenu si naa fa le siisa da kunamanu la.
Wo tanbi kɔma, Musa nun Harona tagata Firauna taran Misira, anu ka a fɔ a ye: «Alatala la kuma le ka, bani Isirayila kaanu la Ala, a ko: aa i ni a la jama boloka anu ni taga, alako anu ni sale ma a la biliya butɔ, janfue tɔ.»
Wo kɔma, Alatala ka a fɔ Musa ye, a ko: «I ni wuli sinan saguma piri, i mɛn ni taga Firauna yen. A tini be bɔɔla tagala kɔɛɛ tɔ, i ni a fɔ a ye: ‹Alatala la kuma le ka, a ko: aa i ni a la jama boloka alako anu ni taga a batu.
