16 Wo kɔma, Alatala ka a fɔ Musa ye, a ko: «I ni wuli sinan saguma piri, i mɛn ni taga Firauna yen. A tini be bɔɔla tagala kɔɛɛ tɔ, i ni a fɔ a ye: ‹Alatala la kuma le ka, a ko: aa i ni a la jama boloka alako anu ni taga a batu.
Wo tanbi kɔma, Musa nun Harona tagata Firauna taran Misira, anu ka a fɔ a ye: «Alatala la kuma le ka, bani Isirayila kaanu la Ala, a ko: aa i ni a la jama boloka anu ni taga, alako anu ni sale ma a la biliya butɔ, janfue tɔ.»
Wo kɔma, durenu ka a fɔ Firauna ye, anu ko: «Ala sɛnbɛ le mu!» Kɔnɔ wo bɛ, Firauna hakkile mɛn be bɛlɛyaren tun, a ma sɔn Musa nun Harona kulɛ lamɔɛla; Alatala ka a fɔ ɲɔgɔnna le nun.
Ka i ma sɔn a la jama bolokala anu ni taga, awa, a si naa siisa da kunamanu boloka le ile nun i la walilanu anun i la jama ma anun i la boŋɛnu butɔ. Misira kaanu la boŋɛnu anun anu la dugenu si naa fa le siisa da kunamanu la.
Kɔnɔ wo lun, Ala si fatanfase ma le Gosɛn jamanɛ ye, a la jama be sabatiren ka min na. Siisa da kunamanu te to ɲɔ, alako i mɛn ni a lɔn Alatala be kɛ duge tɔ.
Musa ka a fɔ Firauna ye, a ko: «Mansa, i sago! I be diren de ba langansarimanu ni lamuttɛ i bata anun i la boŋɛnu tɔ, anu ni naa to Nili kɔɛɛ le tɔ? Awa, a bɛnta n ni taga tɛmu miniman de Alatala matarandula, ile nun i la walilanu anun i la jama la ko la?»
