17 Wolo mu Alatala ka a fɔ, a ko: aa i si naa a lɔn kɛ-lɛ la ale len mu Alatala la: nde si naa Nili kɔɛɛ je botege le n na tungare la min be bitaren n bole la, a je si naa yɛlɛman base la.
Wo butɔ, Misira mansa ka kɛ yamɔre don a la jama bɛ bolo, a ko: «Hebure den kayireŋɛ min bɛ be sɔtɔla, wo ni a bɛ lafili Nili je tɔ, kɔnɔ wo ni musenu kan to anu ni balu.»
Wo butɔ, n be Misira kaanu ɲagankatala a koroŋɛ la ki min na, n be kabanakoenu minnu yitala anu bata, i si wo ɲamakaran i la deŋɛnu ye, anun wonu tugun tɛn deŋɛnu ye, alako wo ni a lɔn, nde len mu Alatala la.»
Ka anu ma laa kɛ kabanako fila bɛ la, anu mɛn ma i kulɛ lamɔɛ, i si Nili kɔɛɛ je do jigan i ni a bɔn kɛnɛ tɔ. Wo tɛmuɛ, i ka je min jigan Nili kɔɛɛ tɔ, a si yɛlɛman base la kɛnɛ tɔ.»
Firauna ka anu jaabi, a ko: «Ɲɔmɔ le mu kɛ Alatala la n si min kulɛ lamɔɛ han n ni bani Isirayila kaanu boloka? N ɲan ma Alatala lɔn, n mɛn te bani Isirayila kaanu boloka feu!»
N si naa wo jigan de wo ni ma n na jama la, nde tugun si ma le wo la Ala la. Wo mɛn si a lɔn de ka a fɔla, nde len mu Alatala la, wo la Ala, min ka wo bɔɔ wali bɛlɛŋɛnu tɔ Misira.
Musa nun Harona ka a ma iko Alatala ka anu yamɔri ki min na. Harona ka tungare tajigan, a ka Nili kɔɛɛ je botege Firauna ɲala anun a la walilanu ɲala, kɔɛɛ je bɛ yɛlɛmanta base la.
