21 Alatala mɛn ko Musa ma: «N ka yamɔre don i bolo kabanakoe mɔɔlenu bɛ ma koe la. I to be saagila Misira, i ni i hakkile to a ma, i ni anu ma Firauna ɲala. Wo kɔma, nde si Firauna hakkile labɛlɛya, a te bani Isirayila kaanu boloka anu ni taga.
Wo kɔma, Alatala ka a fɔ: «N ka n na fɔɲɔ balunɛŋɛ ladon mɔgɛnu tɔ, kɔnɔ n te sɔn a ni mɛ anu tɔ bitugun, bayi fenfen ma mɔgɛ la, fɔ bannɛŋɛ. A la simaya bɛ labɛndeŋɛ mu san kɛmɛ san mugan de la.»
Awa, Alatala ka a fɔ Musa ye, a ko: «Taga don Firauna bata, bayi nde len be ale nun a la walilanu hakkile labɛlɛyaren, alako n ni n na kɛ kabanakoenu yita anu la.
Musa nun Harona ka wo kabanakoe bɛ ma Firauna ɲala, kɔnɔ Alatala ka Firauna hakkile labɛlɛya, Firauna ma sɔn bani Isirayila kaanu bolokala a la duge tɔ.
Nde tugun, n si Misira kaanu hakkile labɛlɛya le, alako anu ni wo jokki. Kɔnɔ n si naa koe ma Firauna nun a la sɔɔrenu anun a la sarɛtinu nun soo laborilanu la, wolo si a ma n si naa mamatɔgɛ sɔtɔ.
N si Firauna hakkile labɛlɛya le a ni anu jokki. Kɔnɔ n si naa koe ma Firauna nun a la sɔɔrenu la, wolo si a ma n si naa mamatɔgɛ sɔtɔ. Wo butɔ, Misira kaanu si naa a lɔn de ka a fɔla nde le mu Alatala la.» Bani Isirayila kaanu ka a ma ɲɔgɔnna le.
Wo kɔma, durenu ka a fɔ Firauna ye, anu ko: «Ala sɛnbɛ le mu!» Kɔnɔ wo bɛ, Firauna hakkile mɛn be bɛlɛyaren tun, a ma sɔn Musa nun Harona kulɛ lamɔɛla; Alatala ka a fɔ ɲɔgɔnna le nun.
«Ala ka anu ɲanu bita a la, a ka anu hakkile labɛlɛya, alako anu ɲanu kana nɔ ɲɔ tayenna, anu kana fahamu sɔtɔ anu hakkile tɔ ka tuubɛ, nde Ala ni anu lakendeya.»
A mɛn be fɔren: «Kure le mu mɔgɛnu si anu kɛn natugu min na, kure le mu min si mɔgɛnu laboe.» Anu to bele sɔnna Ala la kuma bitala, wolo mu anu si boe. Ala bata wo lagiri anu ye.
