27 Wo kɔnte butɔ, anu ka kaalise kilo wulu saba lakunɛn sɔfeŋɛ kɛmɛ ɲiɲa koe la, hɔrɔma dingira sɔfeŋɛnu anun parawan banba la tuganu tɛŋɛ min be ɲɔ butɔ, sɔfen dɔndɔ kaalise kilo bi saba.
I be a bakkula kasiya tuga naani le kunma, sanuɛ be madonden minnu ma, bakkurandeŋɛnu sanunɛŋɛ be minnu ma, wo tuganu be sɔla sɔfeŋɛ naani le kunma, minnu be ɲiɲaren kaalise la.
Wo jama kɔnti tɛmuɛ, kayi mɔgɔ wulu kɛmɛ wɔɔrɔ mɔgɔ wulu saba kɛmɛ loolu anun bi loolu be (603.550) minnu bata san mugan anun do sɔtɔ. Kayi yo kayi ka kaalise giramu loolu le dii, awa kaalise min sɔtɔta wolo tabɛnta kilo wulu saba kilo tan nun wɔrɔwila nun giramu kɛmɛ wɔrɔwila bi loolu ma.
Wo kaalise tɔɛ min tota, wolo do ɲiɲata bakkuranu la tuganu ye, do tugun madonta tuga kuŋɛnu ma, do tugun ɲiɲata nɛgɛ kayanmanu la parawan be bakkula minnu la.
