18 Parawan min be hɔrɔma dingira dondula tɔ, a mata kuta masɔgɔla la wale le la. A be masɔgɔren gese bululama la, a dubalamanɛŋɛ nun a wulenma la, tasɔgɔ kuta le mu a la. A la yanya nɔngɔn mugan, a la towe nɔngɔn loolu iko tatta la kuta mayɛlɛ.
«I be hɔrɔma dingira kunma mabutinfeŋɛ fɔlɛ ɲiɲala tasɔgɛ lenpen tan de la, maleka misalenu be minnu ma, gese bululama, a dubalamanɛŋɛ, nun a wulenma la. Mabɔ sɔgɔla kende le be wo mala.
Tuganu la sɔfeŋɛnu ɲiɲata taasa le la, tuganu la bakkurandeŋɛnu nun anu la nɛgɛ kayanmanu ɲiɲata kaalise le la. Kaalise le madonta tuga kuŋɛnu ma. Tatta tuganu bɛ be bakkuren ɲɔgɔn na lɔgɔ kayanmanu le la, kaalise be madonden minnu ma.
Tuga naanɛ nun anu sɔfeŋɛnu ɲiɲata taasa le la, anu la bakkurandeŋɛnu anun anu la nɛgɛ kayanmanu mu kaalise le la; kaalise le be madonden tuga kuŋɛnu tugun ma.
