6 Awa, Musa ka yamɔre sa, anu ni kɛ yamɔre latagaman daaka bɛ tɔ, a ko: «Kayi ba, musu ba, bɛ ká bolo makafue nati koe dan, wo be min bɔɔla hɔrɔma dingira sɔ koe la. Kɛ si bɛn de ka!» Wo butɔ, jama ka bolo makafue nati koe dan.
Anu naata a fɔ Musa ye, anu ko: «Jama be feŋɛnu minnu natila, a siyata, a bɛ te nɔ donna kɛ hɔrɔma dingira wale tɔ, Alatala ka min yamɔre sa a ni ma.»
Bolo makafuenu minnu bɔɔta, wonu bata kun wale ma koe la han a tɔɛ ni to.
