25 I ni wo jɔlɔnkɔn fila kiti safeŋɛnu tugun na minnu be doroki kunmanɛŋɛ gabakunkuŋɛnu tɔ, a ɲatɔ mafanna.
I be Yaguba la deŋɛnu tɔgɛnu sɛbɛla wo kuru fila kunma, iko bolo laɲɛɲilá be manditɛ sala kurunda ma ki min na. I be wo kuru fila sala safeŋɛ sanunɛŋɛnu le tɔ, bɛ nun a safeŋɛ.
I be sanuɛ yati le jɔlɔnkɔn lanma fila bakkula anu la, i si minnu dɛbɛ.
I ni wo sanu jɔlɔnkɔŋɛnu fila kiti wo kurunda filanu la.
I mɛn ni sanu kurunda fila ɲiɲa, i si minnu sa jusukun mabutinfeŋɛ tunku fila kɔtɔnɛŋɛ la, minnu be magaren doroki kunmanɛŋɛ bolobɔnɛ la.
Anu si kuta julu fila ɲiɲa le doroke ye minnu be kitila kɔma anun ɲatɔ a gabakunkuŋɛnu tɔ.
Anu ka sanuɛ yati jɔlɔnkɔn lanma fila le ɲiɲa wo jusukun mabutinfeŋɛ ye, anu ka minnu dɛbɛ.
Anu ka kuta julu fila ɲiɲa doroke ye minnu kitita kɔma anun ɲatɔ a gabakunkuŋɛnu tɔ.
