14 Wo kɔma, i ni hɔrɔma dingira kunma mabutinfeŋɛ sabaɲɔgɛ ɲiɲa saaka kontoŋɛ bole la min be ɲɛgɛnden a wulenma la. A tɔɛ la, i ni hɔrɔma dingira kunma mabutinfeŋɛ naaniɲɔgɛ ɲiɲa foyi yɛgɛ bole la, i ni naa a lafonti wo doe tugun kunma.
Hɔrɔma dingira sɔngɔ fila tugun, i be kɛ-lɛ mala: nɔngɔn fila minnu be tola, i ni dɔndɛ sa sɔngɛ doe tɔ, i ni dɔndɛ tugun sa sɔngɛ doe tɔ, wo butɔ hɔrɔma dingira bata mabutin a ɲinma la.
Gese bululama, a dubalama nun a wulenma, anun tasɔgɔ kuta gese, anun baa te gese anun saaka kontoŋɛ bole min be ɲɛgɛnden a wulenma la, anun foyi yɛgɛ bole be minnu bolo, wonu ka anu nati.
Anu ka kunma mabutinfeŋɛ sabaɲɔgɛ ɲiɲa saaka kontoŋɛ bole la, min be ɲɛgɛnden a wulenma la. A tɔɛ la, anu ka kunma mabutinfeŋɛ naaniɲɔgɛ ɲiɲa foyi yɛgɛ bole la, min si lafonti wo doe tugun kunma.
