1 Ala ka a fɔ Musa ye, a ko: «Yɛlɛ nde Alatala dula yan kɔnkɛ tɔ, ile nun Harona, anun Nadabi, anun Abihu, anun bani Isirayila kayiba mɔgɔ bi wɔrɔwila. Wo kana wo madon n na han, wo mɛn ni sujudu.
Wo kɔma, Alatala ka a fɔ a ye, a ko: «I mɛn ká tajigi, wo kɔma ile nun Harona ni yɛlɛ. Kɔnɔ sarika lakelanu nun jama kana wuruntun yɛlɛ koe la nde Alatala mafanna, ka wo ma, n si anu jihadi le.»
Alatala ka a fɔ Musa ye, a ko: «I tolomasɔ, n si na le i dula luuture dibireŋɛ butɔ, alako n tini be kumala i ye, jama ni n kulɛ mɔɛ, anu mɛn ni lannanteya sa i ma tɛmuɛ bɛ tɔ.» Wo kɔma, Musa ka jama la jaabire lake Alatala ma.
«I si i kɔtɔ Harona nun a la den kayireŋɛnu madon i la, Nadabi, Abihu, Elasari nun Itamari. I ni anu masubɛ bani Isirayila kaanu ɲaama, alako anu ni naa ma n na sarika lakelanu la, anu ni wali n ɲɛ.
Wo tanbi kɔma, Marige Isa ka mɔgɔ bi wɔrɔwila nun fila do tugun masubɛ, a ka anu kii a ɲatɔ fila fila saa bɛ tɔ, anun dula bɛ tɔ, a yɛtɛ be diren tagala ka min na.
Wo kɔma, talibi bi wɔrɔwila nun fila tasaagita anu be sɛɛwaren koola, anu nata dantɛgɛ sa Isa ye, anu ko: «Marige, hali jinna koroŋɛnu yati bata sujudu mɔ ye i tɔgɛ la ko la.»
