26 Wo be a matɔnbɔnna le tele wɔɔrɔ, kɔnɔ a tele wɔrɔwila luŋɛ mu sulen lɔ́gɛ́ le la, fenfen te yen wo lun.»
Musa ka a fɔ anu ye, a ko: «Wo ni a dɔmɔ bi, bayi bi lɔ́gɛ́ mu sulen lɔ́gɛ́ le la Alatala la biliya kɔtɔ. Wo te fenfen yen bi daaka kɔma.
Mɔgɛnu donu nɔn bɔɔta le a matɔnbɔndula wo tele wɔrɔwila luŋɛ, kɔnɔ anu ma fenfen yen.
Kawandi ma bon kuntige mɔnɛta Isa ma, a to ka malakendeya ma sulen lɔ́gɛ́ tɔ, a ka a jaabi, a ka a fɔ jama ye: «Tele wɔɔrɔ be wo mɔ ye, wo mɔ ni wale ma. Wolo mu, wo na kendeya ɲini wo tele wɔɔrɛ kɔtɔ, wo kana na wo la sulen lɔ́gɛ́ de!»
