Musa ka a jaabi, a ko: «Mɔ nun mɔ la kamareŋɛnu, anun mɔ la mɔgɔbanu le be tagala, anun mɔ la den kayireŋɛnu nun mɔ la den musereŋɛnu, nun mɔ la kolofen lanmanu nun a banbanu, bayi wo lɔ́gɛ́ be mala mɔ ye Alatala la sale le la.»
Wo ka a taran ji sɔgɛ bata gbaa jama la ɲɔ, anu tota Musa maɲimila kuma la, anu ko: «I ɲan ka mɔ labɔɔ fenna Misira? A sɔgɔ be i la le ba, mɔle nun mɔ la deŋɛnu anun mɔ la kolofeŋɛnu ni naa faga ji sɔgɛ la yan?»
Wo ka a taran, mɔgɛ do be Isirayila kaanu tɛma, a nɛɛnɛ mu Isirayila kaa le la, a baaba Misira kaa. A ka a madon Isirayila kaa do la, kɛlɛ boeta anu tɛma.
