13 Base be naala mala tɔnkuma le la wo ye boŋɛnu ma wo be tola ka min na. N tini base yen ka min na, n be tanbila le ɲɔ kunma, kasara yo te ke wo ma n be Misira duge jihadila wagate min tɔ.
Wo be a dɔmɔla le wo be wo la doroki banba tɛ kitiren, wo la samata be wo kɛŋɛ tɔ, wo la tungare be bitaren wo bole la. Wo be a dɔmɔla le teriya la. Malatanga Saya Maleka ma sale le mu. Wo be a mala nde Alatala la biliya le butɔ.
Alatala si naa Misira takuntu jihadi ma koe la. A tini base yen min na firɛmuɛ kunma anun a fɛfɛnu tɔ, a si tantun de wo boŋɛ dondula kunma. A te sɔn Saya Maleka ni don wo la boŋɛnu tɔ jihadi ma koe la.
wo mɛn ni gbataa a la den kayireŋɛ kɔnɔn koe la kabɔɔ saŋɛ tɔ, min mu Isa la. Ala ka a lawuli fagabaganu tɛma, ale Isa le be wo mɔ lakisila Ala la dumɛŋɛ ma, min be nala.
