1 Samiyɛli 12:3 - Ala la kitabuenu Mɔgɔfin kuma tɔ

³ Awa, nde le mu ka. Wo ni n na ko koroŋɛ seedeɲɔgɔya bɔɔ ba Alatala ɲala, anun a be mansa min masubɛren wo ye. Mɔgɔ miniman be yan, n bata ninge bɔɔ min bolo, ka wo ma sofale? Mɔgɔ miniman be yan n ka min tɔɔrɔ ka fondo bosi a bolo? N ka ɲɔmɔ le lakasara? N ka ji sige kiiti koroŋɛ miniman de sa n ni ko tiɲalá mabutin? Wo a fɔ n ɲɛ ba. Ka n ka wo ma le, n ni a sɔŋɛ lasaagi wo ma.»

1 Samiyɛli 12:3 交叉參考

Hɔrɔya 20:17

I kana miila fenfen ma min mu i mɔgɔɲɔgɛ bolofeŋɛnu la, a mata a la boŋɛ la ba, a mata a la muse la ba, a mata a la jon kaye la ba, a mata a la jon muse la ba, ka wo ma a la ninge, ka wo ma a la sofale, i kana miila fenfen ma.»

Hɔrɔya 22:4

Ka min be a la kolofeŋɛnu daɲinila a be anu bolokaren han anu ni don a mɔgɔɲɔgɛ la sɛnɛ la ka wo ma a la sunte la, wo tigi be wo tiɲare bere sɔŋɛ diila a la sɛnɛtɔfeŋɛ wolo ɲinma ka wo ma a la sunte wolofeŋɛ ɲinma le la.

Hɔrɔya 23:8

I kana sɔn ji sige la, bayi ji sige si hakkilima hakkile yɛlɛman de, a ni mɔgɔ telendeŋɛ la kuma yɛlɛman.

Lewi bɔnsɛnu la sariya 6:4

A tini wo wale ban, a ni a la kuta bɔɔ a ma, a ni kuta do tugun najigi a ma, alako a ni wo ta buguta doni daaka kɔma dula kɛrɛkɛrɛreŋɛ tɔ.

Lewi bɔnsɛnu la sariya 6:5

Ta min be bitaren sarika bintandula kɔtɔ a te dufen. Saguma yo saguma sarika lakelá ni lɔgɛnu kunbɛn a ni ta labita, a ni sarika bintannɛŋɛ sa ɲɔ kunma. A be kanunteya sarikanu kɛ́ŋɛ tugun bintanna ɲɔ le.

Luki 19:8

Wo butɔ, Sake sɔta a ka a fɔ Marige Isa ye, a ko: «N Marige, n si n tɛn bolofeŋɛnu tɛma dii fugarenu ma. A mɛn, ka n ka fondo bɔɔ mɔgɛ min bolo mamafue la, n si wo ɲɔgɔn naani lasaagi a ma.»

Kiilanu 20:33

N to be wo tɛma nun, n ma mɔgɔ yo táran kaalise la, ka wo ma sanuɛ, ka wo ma balima kuta.

1 Tesaloniki 2:10

Mɔ tagamanta saniyaŋɛ nun teleŋɛ le la wole dɛnkɛnɛyabaganu la ko la, malakɔrɔsi yo bele mɔ ma. Wo bata ma wo koe seede la, wo nun Ala.

1 Tesaloniki 2:5

Wo ka a lɔn yati, Ala tugun mu a seede la, mɔ bele da diya kuma yo fɔren nun wo ye. Mɔ ma kawande ma le alako mɔ ni fondo sɔtɔ.

1 Piyɛri 5:2

N bata wo lalimaniya, wo ni wo hakkile to Ala la jama ma min be wo la mamakantare butɔ, iko kolofen kantalá be mɛnnila a la wɔɔrɛ ma ki min na. Wo ni dɛnkɛnɛyabaganu dankun wo hanige la, wo kana a ma iko anu tini wo karahan. Wo kana a ma nafule la ko miila la. Wo ni a ma wo juse bɛ la.

1 Samiyɛli 10:1

Samiyɛli ka tulu bitira lanma dɔndɔ jigan, a ka a bɔn Sayulu kuŋɛ ma. A ka a sunbu, a ka a fɔ a ye, a ko: «Alatala bata i masubɛ i ni ma a la jama latagamanná la.

1 Samiyɛli 12:4

Isirayila kaanu ka a jaabi, anu ko: «I ma mɔ tɔɔrɔ feu ka fondo bosi mɔ bolo, i ma mɔgɔ yo lakasara, i ma sɔn mɔgɔ yo la ji sige la.»

1 Samiyɛli 12:5

Wo butɔ, Samiyɛli ka a fɔ anu ye, a ko: «Alatala le mu seede la bi luŋɛ, anun a be mansa min masubɛren wo ye, ka a fɔla wo bele n nakɔrɔsiren fenfen na ko la.» Jama ka a fɔ, anu ko: «Iyon, anu mu a seede la.»

1 Samiyɛli 2:35

N si naa sarika lakelá do sɔ min mu lannanteya mɔgɛ la, min be n diyanankoe nun n sagona koe bɛ mala. N si bɔnsɔ sabatireŋɛ dii le a ma, a si tagaman de wagate bɛ mansa ɲala n be naala min masubɛla.

1 Samiyɛli 24:11

I bata a yen i ɲa la kɔtɛ, bi luŋɛ Alatala bata i sa n sagoe tɔ nun fanmɛ butɔ. A fɔta le n ɲɛ aa n ni i faga, kɔnɔ n ka i to ɲɔ, n mɛn ka a fɔ, n te n bole maga ile n marige la, bayi Alatala le be i masubɛren.

1 Samiyɛli 24:6

Dauda to banta wo mala, a juse bɔɔta nimisa la, bayi a bata Sayulu la burumuse sɔngɔnden kuntu.

1 Samiyɛli 24:7

Dauda tugun kɔyikɔyita a la mɔgɛnu ye: «Alatala mu n natangala! N te sɔn feu n ni n bole maga n tige la, Alatala be min masubɛren. N kana fenfen ma a la, bayi Alatala le be a sɔren mansa la.»

1 Samiyɛli 26:11

N te sɔn feu n ni n bole maga Alatala la mansa masubɛreŋɛ la! Kɔtɛ, a la tanba min be sɔrɔnden a kun sa dula nun a la ji dunbe, i ni wonu tun jigan, i ni na wo mɔ ni ma.»

1 Samiyɛli 26:9

Kɔnɔ Dauda ka a fɔ Abisayi ye, a ko: «I kana a faga! Ɲɔmɔ si nɔ a bole magala Alatala la kɛ mansa masubɛreŋɛ la, wo junube te naa to a tigi kunma ba?»