San Mateo 23:29 - Alacatlatzala Mixtec New Testament

²⁹ ’¡Ñii ki̱vi̱ xo̱ꞌvi̱ ní ndóꞌó, nafariseo xíꞌin na sánáꞌa nda̱yí Ndios! ¡Na o̱vi̱ yuꞌu̱ kúu ndó! Livi ní kísa va̱ꞌa ndó veꞌe no̱o̱ ni̱ndu̱xu̱n naprofeta xi̱na̱ꞌá, ta saá livi ní ndása va̱ꞌa ndó no̱o̱ ni̱ndu̱xu̱n inka̱ ni̱vi na va̱ꞌa.

San Mateo 23:29 交叉參考

San Mateo 23:27

’¡Ñii ki̱vi̱ xo̱ꞌvi̱ ní ndóꞌó, nafariseo xíꞌin na sánáꞌa nda̱yí Ndios! ¡Na o̱vi̱ yuꞌu̱ kúu ndó! Nda̱tán yóo ñii veꞌe yaa no̱o̱ ndúxu̱n ni̱vi na ni̱xiꞌi̱, saá yóo ndóꞌó, chi yaa ní sa̱ta̱ veꞌe yóꞌo ta ti̱xin ña nina chútú leke xíꞌin ndiꞌi ña táꞌyí.

San Mateo 23:28

Nda̱tán káa ni̱vi na va̱ꞌa ní, saá káa ndó no̱o̱ inka̱ ni̱vi, ta níma̱ ndó chútú ña o̱n váꞌa xíꞌin ñavatá.

San Mateo 23:30

Ta káꞌa̱n ndó: “Tá ní xi̱taku̱ yó xi̱na̱ꞌá kui̱ya̱ xi̱taku̱ naxi̱i̱ síkuá yó, ta nda̱ loꞌo o̱n chindeé yó nayóꞌo ña kaꞌni na naprofeta”, káchí ndó.

Hechos 2:29

Ta saá ni̱ka̱ꞌa̱n ka̱ ta̱Pedro xíꞌin na ña sanáꞌa ra na yukía̱ kóni kachí to̱ꞌon yóꞌo: ―Natáꞌan yó, najudío, ndato̱ꞌon káxín i̱ xíꞌin ndó xa̱ꞌa̱ ta̱David chi xi̱i̱ síkuá yó kúu ra. Xíni̱ yó ñanda̱a̱ kúu ña ni̱xiꞌi̱ ta̱David ta ni̱ndu̱xu̱n ra. Ta̱nda̱ ki̱vi̱ vitin yatin ní nákaa̱ ñoꞌo̱ no̱o̱ ni̱ndu̱xu̱n ra, ta ndixa xa ni̱ta̱ꞌyi̱ ko̱ñu ra ti̱xin ñáñá. Ña̱kán kía̱ kúnda̱a̱ ini yó ndí o̱n si̱ví xa̱ꞌa̱ ta̱David kúu ña káꞌa̱n to̱ꞌon ña káchí o̱n ta̱ꞌyi̱ yi̱kí ko̱ñu ra. Saá chi xíꞌin to̱ꞌon yóꞌo ni̱ka̱ꞌa̱n ta̱David xa̱ꞌa̱ ta̱Jesús.