San Mateo 22:46 - Alacatlatzala Mixtec New Testament

⁴⁶ Ta nda̱ ñii nayóꞌo ni̱‑kuchiño ndakuii̱n na nda̱ ñii to̱ꞌon ña ni̱ka̱ꞌa̱n ra xíꞌin na, ta̱nda̱ ki̱vi̱ yóꞌo ni̱‑xiin ka̱ na nda̱ka̱ to̱ꞌon na ra ña koto ndoso na ra.

San Mateo 22:46 交叉參考

San Mateo 21:27

Ta saá nda̱kuii̱n na, káchí na siꞌa xíꞌin ta̱Jesús: ―O̱n xíni̱ ndi̱ yu kúu na ta̱xi nda̱yí ndaꞌa̱ ta̱Juan ―káchí na. Ta saá ta̱Jesús ni̱ka̱ꞌa̱n ra xíꞌin na: ―Ta ni yi̱ꞌi̱, o̱n ka̱ꞌa̱n i̱ xíꞌin ndó míkía̱ ki̱xi nda̱yí kómí i̱ ña kéꞌé i̱ chiño yóꞌo ―káchí ra.

San Mateo 22:45

Xíꞌin to̱ꞌon yóꞌo ta̱David ka̱chí ra Cristo kúu ta̱Káꞌno no̱o̱ ra. Ta, ¿mí kúchiño kúu Cristo sa̱ꞌya ñani síkuá ta̱David? ―káchí ta̱Jesús xíꞌin na.

San Marcos 12:34

Tá ta̱Jesús xi̱ni̱ so̱ꞌo ra va̱ꞌa ní ndíchí ni̱ka̱ꞌa̱n ta̱ sánáꞌa nda̱yí, ta káchí ra saá xíꞌin ra: ―Yatin ní yóo ún ña ki̱ꞌvi ún yichi̱ no̱o̱ xáꞌnda chiño Ndios. Ta saá nda̱ ñii ni̱vi ni̱‑xiin ka̱ na nda̱ka̱ to̱ꞌon na ra ña koto ndoso ñaꞌá na.

San Lucas 13:17

Tá xi̱ni̱ so̱ꞌo nayóꞌo ña ni̱ka̱ꞌa̱n ta̱Jesús, ta saá kúkaꞌan no̱o̱ ndiꞌi na, ta ndeé ka̱ sáa̱ ini na xíni na ta̱Jesús. Ta inka̱ nañoo yóꞌo, kúsii̱ ní ini na xa̱ꞌa̱ ñava̱ꞌa ña náꞌno ke̱ꞌé ta̱Jesús xíꞌin na.

San Lucas 14:4

Ta o̱n vása ní‑ndakuii̱n na yuꞌu̱ ra. Ta ta̱Jesús, chi̱nóo ra ndaꞌa̱ ra sa̱ta̱ ta̱ ndeé ndóꞌo, ta sa̱ndaꞌa ñaꞌá ra. Ta saá ti̱ꞌví ñaꞌá ra kua̱noꞌo̱ ra veꞌe ra.

San Lucas 14:6

Ta o̱n vása ní‑naníꞌi na to̱ꞌon ña ndakuii̱n na.

San Lucas 20:40

Ta saá nasaduceo ni̱‑xiin ka̱ na nda̱ka̱ to̱ꞌon na ra ña koto ndoso na ra.

Hechos 4:14

Ta nachiño yóꞌo xíto na ña ñíndichi ta̱a ta̱ xi̱kuu ta̱ o̱n ki̱ví kanda xa̱ꞌa̱, ta vitin ndu̱va̱ꞌa ra. Ta saá o̱n vása ní‑niꞌi na to̱ꞌon ña ndakuii̱n na, ta ndá tási̱ín kuiti ndóo na.

Hechos 7:32

Ta ni̱ka̱ꞌa̱n ña, ka̱chí ña saá: “Yi̱ꞌi̱ kúu i̱ Ndios, ta naxi̱i̱ síkuá ún ta̱Abraham, ta̱Isaac xíꞌin ta̱Jacob ki̱sa to̱ꞌó na yi̱ꞌi̱”, ka̱chí Ndios xíꞌin ta̱Moisés. Ta ni̱yi̱ꞌví ní ta̱Moisés, ta̱nda̱ ki̱xáꞌá ra kísin ni̱no mi̱i ra, ñíndichi ra, ta ni̱‑xiin ra koto ka̱ ra no̱o̱ yóo ñoꞌo̱ xíxi̱.