San Mateo 2:3 - Alacatlatzala Mixtec New Testament

³ Ki̱vi̱ xi̱ni̱ so̱ꞌo ta̱rey Herodes to̱ꞌon ña ni̱ka̱ꞌa̱n nandíchí yóꞌo, ta ni̱ndiꞌi ní ini ra. Ta ñii ki̱ꞌva saá ni̱ndiꞌi ini nañoo Jerusalén.

San Mateo 2:3 交叉參考

San Mateo 2:2

Ta saá ki̱xáꞌá na ndáka̱ to̱ꞌon na nañoo Jerusalén, káchí na siꞌa: ―¿Míkía̱ ka̱ku ta̱loꞌo ta̱ kuu rey no̱o̱ ndóꞌó najudío? Chí no̱o̱ va̱xi kana ño̱ꞌo xi̱ni ndi̱ ñii ki̱mi, ta saá ku̱nda̱a̱ ini ndi̱ xa ka̱ku ra, ta vitin va̱xi ndi̱ yóꞌo ña kasa to̱ꞌó ndi̱ ra ―káchí nandíchí.

San Mateo 2:4

Ta saá ta̱rey Herodes ka̱na ndiꞌi ra nanáꞌno no̱o̱ nasu̱tu̱, ta ka̱na ra ndiꞌi na sánáꞌa nda̱yí Ndios, ta ki̱xaa̱ ndiꞌi nayóꞌo no̱o̱ ra. Ta ni̱nda̱ka̱ to̱ꞌon ra nayóꞌo, míkía̱ kaku Cristo.

San Mateo 23:37

Ta tuku ni̱ka̱ꞌa̱n ta̱Jesús, káchí ra saá: ―¡Nañoo Jerusalén, ndóꞌó kúu na xáꞌni naprofeta, ndóꞌó kúu na kóon yu̱u̱ ni̱vi na ti̱ꞌví Ndios ña chindeé na ndóꞌó! ¡Kua̱ꞌa̱ ní yichi̱ káchí ini i̱ nakaya i̱ ndóꞌó, nda̱tán ñii nduxú siꞌí nákaya rí sa̱ꞌya rí ti̱xin ndi̱xi̱n rí, ta ni̱‑xiin ndó kundaa i̱ ndóꞌó!

San Mateo 24:6

Ta koni̱ so̱ꞌo ndó yóo kua̱chi xáꞌni táꞌan na ñoo yatin, ta xáꞌni táꞌan na ñoo xíká, ta o̱n kuyi̱ꞌví ndó. Chi xíni̱ ñóꞌó kundivi ndiꞌi ñayóꞌo, ta saá ni, ta̱ꞌán kixaa̱ ki̱vi̱ ñasondíꞌí ñoyívi yóꞌo.

San Mateo 8:29

Ta o̱vi̱ ta̱yóꞌo xi̱ni na va̱xi ta̱Jesús, ta ki̱xáꞌá ñandiva̱ꞌa ña kómí na xíꞌin ndiꞌi ndee̱ ña ni̱ka̱ꞌa̱n ña, ta káchí ña saá: ―¿Yukía̱ kóni ún keꞌé ún xíꞌin ndi̱ vitin?, chi yóꞌó ta̱Jesús kúu Sa̱ꞌya Ndios. ¿Án ki̱xaa̱ ún vitin saxo̱ꞌvi̱ ún ndi̱ꞌi̱?, saá chi ta̱ꞌán kixaa̱ ki̱vi̱ ña kasa nani Ndios xa̱ꞌa̱ kua̱chi ―káchí ña xíꞌin ta̱Jesús.

San Marcos 13:7

’Ta koni̱ so̱ꞌo ndó yóo kua̱chi xáꞌni táꞌan na ñoo yatin, ta xáꞌni táꞌan na ñoo xíká, ta o̱n kuyi̱ꞌví ndó. Chi xíni̱ ñóꞌó kundivi ndiꞌi ñayóꞌo, ta saá ni, ta̱ꞌán kixaa̱ ki̱vi̱ ñasondíꞌí ñoyívi yóꞌo.

Hechos 4:2

Sáa̱ ní ini na ki̱xaa̱ na, chi ta̱Pedro xíꞌin ta̱Juan ndáto̱ꞌon na sánáꞌa na ni̱vi ndí ndixa na̱taku̱ ta̱Jesús, ta káchí na káꞌa̱n na ndí ndiꞌi ni̱vi na kándixa ta̱Jesús, ni̱vi yóꞌo, nda̱tán xa na̱taku̱ ta̱Jesús saá nataku̱ na ki̱vi̱ ña va̱xi.