San Marcos 8:11 - Alacatlatzala Mixtec New Testament

¹¹ Ta nafariseo ki̱xaa̱ na no̱o̱ ta̱Jesús. Ta káꞌa̱n na to̱ꞌon kuáchí xíꞌin ra ña kóni na koto ndoso na ra, káchí na saá: ―Keꞌé ún ñii milagro ña kunda̱a̱ ini ndi̱ tá ndixa Ndios ti̱ꞌví yóꞌó.

San Marcos 8:11 交叉參考

San Mateo 12:38

Ta sava nafariseo xíꞌin na sánáꞌa nda̱yí Ndios ni̱ka̱ꞌa̱n na xíꞌin ta̱Jesús, káchí na saá: ―Tata maestro, kóni ndi̱ ña keꞌé ún ñii milagro no̱o̱ ndi̱.

San Mateo 19:3

Ta sava nafariseo ki̱xaa̱ na no̱o̱ ra ña koto ndoso ñaꞌá na, ta ni̱ka̱ꞌa̱n na xíꞌin ra: ―¿Án yóo yichi̱ ñii ta̱a sandakoo va̱ꞌa ra ñásíꞌí ra xa̱ꞌa̱ ña káchí ini mi̱i ra?

San Mateo 21:23

Ta ki̱xaa̱ ta̱Jesús ke̱ꞌe yéꞌé veꞌe ño̱ꞌo káꞌno ta sánáꞌa ra ni̱vi, ta naxi̱kua̱ꞌa̱ no̱o̱ najudío xíꞌin nanáꞌno no̱o̱ nasu̱tu̱ ki̱xaa̱ na no̱o̱ ra, ta ni̱nda̱ka̱ to̱ꞌon na ra: ―¿Míkía̱ ki̱xi nda̱yí kéꞌé ún ñayóꞌo? ¿Yu kúu na ta̱xi nda̱yí ndaꞌa̱ ún keꞌé ún chiño yóꞌo saá? ―káchí na xíꞌin ra.

San Mateo 22:15

Ta saá nafariseo ke̱e na kua̱ꞌa̱n na, ta na̱koo yuꞌú na ndasaá koo ndukú na ña ka̱ꞌa̱n ta̱Jesús to̱ꞌon o̱n váꞌa ña kuchiño na chikaa̱ na ra kua̱chi.

San Mateo 22:18

Ta ta̱Jesús kúnda̱a̱ ini ra ndí kóni na koto ndoso na ra, ta ni̱ka̱ꞌa̱n ra xíꞌin na: ―¡Na o̱vi̱ yuꞌu̱ kúu ndóꞌó! ¿Nda̱chun kóni ndó koto ndoso ndó yi̱ꞌi̱?

San Mateo 22:23

Ta mi̱i ki̱vi̱ yóꞌo, nasaduceo ki̱xaa̱ na no̱o̱ ta̱Jesús. Nasaduceo yóꞌo kúu nanáꞌno na sánáꞌa ta káꞌa̱n na ndí na ni̱xiꞌi̱ o̱n vása nataku̱ ka̱ na. Ta ni̱nda̱ka̱ to̱ꞌon na ta̱Jesús:

San Marcos 12:15

Ta ta̱Jesús kúnda̱a̱ ini ra ndí na o̱vi̱ yuꞌu̱ kúu na, kóni na koto ndoso na ra, ta ni̱ka̱ꞌa̱n ra xíꞌin na: ―¿Nda̱chun kóni ndó koto ndoso ndó yi̱ꞌi̱? Taxi ndó ñii si̱ꞌún ná koto i̱ no̱o̱ ña.

San Marcos 2:16

Ta nafariseo xíꞌin sava na sánáꞌa nda̱yí Ndios xi̱ni na yu kúu ni̱vi ndóo xíxi xíꞌin ta̱Jesús, ta ni̱ka̱ꞌa̱n na xíꞌin naxíka xíꞌin ta̱Jesús: ―O̱n vása va̱ꞌa ñayóꞌo. ¿Nda̱chun xíxi ra xíꞌin ni̱vi na káya si̱ꞌún xa̱ꞌa̱ nagobierno, xíꞌin inka̱ na kánóo to̱ꞌon ña o̱n váꞌa xa̱ꞌa̱? ―káchí na.

San Marcos 9:16

Ta ta̱Jesús ni̱nda̱ka̱ to̱ꞌon ra ni̱vi yóꞌo: ―¿Yukía̱ náa ndó xa̱ꞌa̱ xíꞌin na?

San Lucas 10:25

Ta saá ki̱xaa̱ ñii ta̱maestro ta̱ xíni̱ va̱ꞌa nda̱yí Ndios ña ni̱taa ta̱Moisés xi̱na̱ꞌá, ta ni̱nda̱ka̱ to̱ꞌon ra ta̱Jesús, chi kóni ra koto ndoso ñaꞌá ra, káchí ra saá: ―Tata maestro, ¿yukía̱ keꞌé i̱, ta taxi Ndios koo i̱ xíꞌin ra ndiꞌi saá ki̱vi̱ ña va̱xi? ―káchí ra.

San Lucas 11:16

Ta inka̱ ni̱vi kóni koto ndoso na ta̱Jesús, ta ndu̱kú na no̱o̱ ra ña keꞌé ra ñii milagro ña sanáꞌa ra no̱o̱ na ña ndixa kómí ra ndee̱ Ndios.

San Juan 4:48

Ta nda̱kuii̱n ta̱Jesús ni̱ka̱ꞌa̱n ra xíꞌin ra, káchí ra saá: ―Ndóꞌó, o̱n xi̱in ndó kandixa ndó yi̱ꞌi̱. Ta̱nda̱ keꞌé i̱ milagro koni ndó, án nda̱ keꞌé i̱ ñava̱ꞌa ña nakaꞌnda ini ndó koni ndó, ta̱nda̱ saá kixáꞌá ndó kandixa ndó yi̱ꞌi̱ ―káchí ta̱Jesús.

San Juan 6:30

Ta saá ni̱nda̱ka̱ to̱ꞌon tuku na ra: ―¿Ndá milagro kúu ña keꞌé ún no̱o̱ ndi̱ ña koni ndi̱, ta saá kandixa ndi̱ ndí yóꞌó kúu ún ta̱a ta̱ ti̱ꞌví Ndios? Ta vitin, ¿yu kúu ña keꞌé ún?

San Juan 7:48

Chi nda̱ ñii nanáꞌno ñoo yóꞌo, ta nda̱ ñii mi̱i ndi̱ nafariseo o̱n vása kándixa ndi̱ ra.

San Juan 8:6

Saá ni̱nda̱ka̱ to̱ꞌon na ta̱Jesús chi ndúkú na ña nakava ra kua̱chi, ña̱kán kuchiño na taxi na kua̱chi xa̱ꞌa̱ ra no̱o̱ nachiño. Ta ta̱Jesús o̱n vása ní‑ndakuii̱n ra yuꞌu̱ na, ta chi̱ndee ra no̱o̱ ra, ta xíꞌin nduku ndaꞌa̱ ra, ki̱xáꞌá ra táa ra no̱o̱ ñoꞌo̱.

Hechos 5:9

Ta ni̱ka̱ꞌa̱n ta̱Pedro xíꞌin ñá: ―¿Nda̱chun yóꞌó xíꞌin yii̱ ún ni̱xi̱yo yuꞌú ndó ña koto ndoso ndó Níma̱ Ndios? Ta vitin nata̱a kuáchí na ni̱xa̱ꞌa̱n sa̱ndúxu̱n yi̱kí ko̱ñu yii̱ ún xa ndi̱kó na ki̱xaa̱ na ta yíta na yéꞌé. Ta saá tuku nata̱a kuáchí yóꞌo yíta tiꞌva na nakiꞌin na yi̱kí ko̱ñu mi̱i ún ko̱ꞌo̱n ña xíꞌin na ña sandúxu̱n na ña ―káchí ta̱Pedro xíꞌin ñá.

1 Corintios 10:9

Ta saá o̱n váꞌa koto ndoso yó Jesucristo án ndixa saxo̱ꞌvi̱ ra mi̱i yó xa̱ꞌa̱ ña o̱n váꞌa kéꞌé yó. Saá chi kua̱ꞌa̱ ní naxi̱i̱ síkuá yó xi̱to ndoso na Ndios xi̱na̱ꞌá, ta ni̱xiꞌi̱ kua̱ꞌa̱ ní na ke̱ꞌé saá, chi tíko̱o̱ xati̱ xa̱xi rí na ta ni̱xiꞌi̱ na.