San Marcos 6:8 - Alacatlatzala Mixtec New Testament

⁸ Saá ni̱ka̱ꞌa̱n ra xíꞌin na: ―Tá kua̱ꞌa̱n ndó chiño yóꞌo, ta o̱n kuniꞌi ndó ña kuxu ndó, ni leká ndó, ni si̱ꞌún ndó o̱n kuniꞌi ndó. Ta kuiti va̱ꞌa kuniꞌi ndó ñii yito̱n ko̱ꞌo̱n ndó.

San Marcos 6:8 交叉參考

San Marcos 6:9

Va̱ꞌa koꞌon ndu̱xa̱n xa̱ꞌa̱ ndó, ta o̱n kuiso ka̱ ndó inka̱ tiko̱to̱ ña nasama ndó ―káchí ta̱Jesús xíꞌin na.

San Lucas 10:4

Tá kua̱ꞌa̱n ndó, ta o̱n kuniꞌi ndó si̱ꞌún, ni leká ndó, ni inka̱ ndu̱xa̱n ndó. Ta o̱n kuita ndó ndato̱ꞌon ndó xíꞌin ni̱vi yichi̱.

San Lucas 22:35

Ta saá ni̱ka̱ꞌa̱n ra xíꞌin inka̱ naxíka xíꞌin ra: ―Nákáꞌán ndó ki̱vi̱ ña ni̱yaꞌa, ki̱vi̱ ti̱ꞌví i̱ ndóꞌó ni̱xa̱ꞌa̱n ndó kua̱ꞌa̱ ní ñoo ni̱ka̱ꞌa̱n ndó to̱ꞌon ñava̱ꞌa xa̱ꞌa̱ Ndios. Vará o̱n ko̱ó leká ní‑xiniꞌi ndó, ni o̱n ko̱ó inka̱ ndu̱xa̱n ní‑xiniꞌi ndó, ta, ¿án ki̱sa ma̱ni̱ ñii ña̱ꞌa xíni̱ ñóꞌó ndó? ―káchí ta̱Jesús xíꞌin na. Ta nda̱kuii̱n na, ni̱ka̱ꞌa̱n na xíꞌin ra: ―Óꞌon Tata, o̱n ko̱ó ña̱ꞌa ní‑kisa ma̱ni̱ ndaꞌa̱ ndi̱ ki̱vi̱ ni̱xa̱ꞌa̱n ndi̱ ―káchí na.

San Lucas 9:3

Ni̱ka̱ꞌa̱n ra xíꞌin na, káchí ra saá: ―Tá kua̱ꞌa̱n ndó chiño yóꞌo, ta nda̱ ñii ña̱ꞌa o̱n kuniꞌi ndó ko̱ꞌo̱n ndó: o̱n kuniꞌi ndó yito̱n, ni leká ndó, ni ña kuxu ndó, ni si̱ꞌún ndó, ni inka̱ tiko̱to̱ ndó.