San Lucas 4:20 - Alacatlatzala Mixtec New Testament

²⁰ Ta saá na̱kasi ta̱Jesús tutu yóꞌo, ta na̱taxi ra ndaꞌa̱ ta̱a ta̱ xíka chiño no̱o̱ veꞌe ño̱ꞌo sinagoga, ta xi̱koo ra, ta ndiꞌi ni̱vi ndáti na, xíto na no̱o̱ ta̱Jesús.

San Lucas 4:20 交叉參考

San Mateo 26:55

Ta ni̱ka̱ꞌa̱n ta̱Jesús xíꞌin inka̱ ni̱vi: ―¿Án xáni si̱ni̱ ndó ta̱kuíꞌná kúu i̱? ¿Nda̱chun va̱xi ndó no̱o̱ i̱ níꞌi ndó espada xíꞌin yito̱n ña tiin ndó yi̱ꞌi̱? Ta yi̱ꞌi̱, ndiꞌi saá ki̱vi̱ ni̱xi̱yo i̱ sánáꞌa i̱ ni̱vi veꞌe ño̱ꞌo káꞌno, ta ni̱‑tiin ndó yi̱ꞌi̱.

San Mateo 27:60

Ta ni̱xa̱ꞌa̱n ra ta chi̱kaa̱ va̱ꞌa ra yi̱kí ko̱ñu ta̱Jesús ini kavua̱ ña xa̱á ña sa̱kán ki̱sa va̱ꞌa ra ini. Ta saá na̱kasi ra yéꞌé kavua̱ yóꞌo xíꞌin ñii yu̱u̱ káꞌno, ta ke̱e ra kua̱noꞌo̱ ra.

San Lucas 19:48

Ta ni̱‑kivi naníꞌi na ndasaá kaꞌni na ra, chi ndiꞌi ni̱vi kúsii̱ ini na xíni̱ so̱ꞌo na to̱ꞌon ña káꞌa̱n ra.

San Lucas 4:17

Ta ta̱xi na ndaꞌa̱ ra to̱ꞌon Ndios ña ni̱taa ta̱profeta Isaías xi̱na̱ꞌá. Ta ta̱Jesús na̱ndika ra ña, ta na̱níꞌi ra no̱o̱ káꞌa̱n ña saá:

San Lucas 4:21

Ta ki̱xáꞌá ta̱Jesús káꞌa̱n ra xíꞌin na, káchí ra saá: ―Mi̱i ki̱vi̱ vitin, Ndios xa ki̱sa ndivi ra to̱ꞌon ra ña xi̱ni̱ so̱ꞌo ndó ka̱ꞌvi i̱ ―káchí ta̱Jesús xíꞌin na.

San Lucas 5:3

Ta ta̱Jesús nda̱a ra ñii tón barco, tón barco ta̱Simón kúu nó. Saá ndu̱kú ta̱Jesús ña sakutaꞌa loꞌo ka̱ ra nó ma̱ꞌñó takuií. Ta xi̱koo ta̱Jesús ini tón barco yóꞌo, ta ki̱xáꞌá ra sánáꞌa ra ni̱vi na yíta yuꞌu̱ takuií.

San Juan 8:2

Ta ni̱ti̱vi xita̱a̱n inka̱ ki̱vi̱, ta ndi̱kó ta̱Jesús, ki̱xaa̱ ra veꞌe ño̱ꞌo káꞌno ñoo Jerusalén. Ta saá ki̱xaa̱ ñii tiꞌvi káꞌno ni̱vi no̱o̱ ra, ta xi̱koo ra, ta ki̱xáꞌá ra sánáꞌa ra ni̱vi yóꞌo.

Hechos 16:13

Ta saá ni̱to̱nda̱a ki̱vi̱ yi̱i̱ ña nákindée najudío, ta ke̱e ndi̱ ñoo yóꞌo ta kua̱ꞌa̱n loꞌo ndi̱ ta ni̱xaa̱ ndi̱ ñii xiiña no̱o̱ nákaa̱ ñii yu̱ta, chi yuꞌu̱ yu̱ta yóꞌo nákutáꞌan najudío xa̱ꞌa̱ ña ka̱ꞌa̱n na xíꞌin Ndios. Ta xa na̱kutáꞌan sava náñaꞌa̱, ta ni̱xaa̱ ndi̱ ta xi̱kundo̱o ndi̱, ta ki̱xáꞌá ndi̱ káꞌa̱n ndi̱ xíꞌin náñaꞌa̱ yóꞌo.

Hechos 3:12

Tá xíto ta̱Pedro na̱kutáꞌan ni̱vi yóꞌo, ta ni̱ka̱ꞌa̱n ra xíꞌin na, káchí ra saá: ―Natáꞌan yó naIsrael, ¿nda̱chun nákaꞌnda ini ndó xíto ndó ña ndu̱va̱ꞌa ta̱yóꞌo? ¿Nda̱chun xíto ndó no̱o̱ ndi̱? ¿Án xáni si̱ni̱ ndó xíꞌin ndee̱ mi̱i ndi̱ kúu ña sa̱ndaꞌa ndi̱ ta̱yóꞌo, chi va̱ꞌa ní ni̱vi kúu ndi̱? O̱n vása saá, chi xíꞌin ndee̱ ta̱Jesús ndu̱va̱ꞌa ta̱yóꞌo.