San Lucas 11:45 - Alacatlatzala Mixtec New Testament

⁴⁵ Ta ñii ta̱maestro ta̱ xíni̱ va̱ꞌa nda̱yí Ndios ni̱ka̱ꞌa̱n ra xíꞌin ta̱Jesús: ―Tá chíkaa̱ ún kua̱chi sa̱ta̱ nafariseo yóꞌo, ta ñii ki̱ꞌva saá chíkaa̱ ún kua̱chi sa̱ta̱ ndi̱ ―káchí ra.

San Lucas 11:45 交叉參考

San Mateo 22:35

Ñii ta̱fariseo yóꞌo kúu ñii ta̱a ta̱ xíni̱ va̱ꞌa nda̱yí ña ni̱taa ta̱Moisés, ta ni̱nda̱ka̱ to̱ꞌon ra ña koto ndoso ra ta̱Jesús, káchí ra saá:

San Lucas 11:46

Ta nda̱kuii̱n ta̱Jesús, ni̱ka̱ꞌa̱n ra saá: ―¡Ñii ki̱vi̱ xo̱ꞌvi̱ ní ndóꞌó, na xíni̱ va̱ꞌa nda̱yí Ndios! Chi sákuiso ndó ni̱vi chiño veé ní, ta yo̱ꞌvi̱ ní kuiso na. Ta mi̱i ndó, nda̱ loꞌo o̱n xi̱in ndó tindaa ndó chiño veé ta yo̱ꞌvi̱ ní yóꞌo.

San Lucas 11:52

’¡Ñii ki̱vi̱ xo̱ꞌvi̱ ní ndóꞌó, na xíni̱ va̱ꞌa nda̱yí Ndios! Nda̱tán kéꞌé ñii ta̱a ta̱ chíkaa̱ seꞌé llave, saá kéꞌé ndó. Saá chi sási ndó no̱o̱ ni̱vi na kóni ki̱ꞌvi yichi̱ Ndios, ta ni mi̱i ndó xi̱in ndó ki̱ꞌvi ndó yichi̱ ra ―káchí ta̱Jesús xíꞌin na.

San Lucas 7:30

Ta nafariseo xíꞌin inka̱ namaestro na xíni̱ va̱ꞌa nda̱yí Ndios ña ni̱taa ta̱Moisés, ni̱‑xiin na nakiꞌin na ñava̱ꞌa ña chi̱tóni̱ Ndios xa̱ꞌa̱ na, chi ni̱‑xiin na taxi na sakuchu ta̱Juan na.

San Juan 7:48

Chi nda̱ ñii nanáꞌno ñoo yóꞌo, ta nda̱ ñii mi̱i ndi̱ nafariseo o̱n vása kándixa ndi̱ ra.

San Juan 7:7

chi nani̱vi ñoyívi yóꞌo o̱n ki̱ví kusaa̱ ini na koni na ndóꞌó. Ta yi̱ꞌi̱, sáa̱ ní ini ni̱vi yóꞌo xíni na yi̱ꞌi̱, chi káꞌa̱n káxín i̱ xíꞌin na xa̱ꞌa̱ ña o̱n váꞌa kéꞌé na.

San Juan 9:40

Ta sava nafariseo yíta na yóꞌo, ta xi̱ni̱ so̱ꞌo na ña ni̱ka̱ꞌa̱n ta̱Jesús, ta ni̱nda̱ka̱ to̱ꞌon na ra, káchí na saá xíꞌin ra: ―¿Án kóni ún kachí ún ndí ndi̱ꞌi̱ kúu ni̱vi nakuáá? ―káchí na xíꞌin ra.