San Lucas 1:28 - Alacatlatzala Mixtec New Testament

²⁸ Ta ni̱xaa̱ ñaángel no̱o̱ ñáMaría yóꞌo ta chi̱ndeé ñaꞌá ña, ni̱ka̱ꞌa̱n ña, káchí ña saá: ―¡Kuaꞌa, nana! Yóꞌó kúu ñá ni̱niꞌi ñava̱ꞌa no̱o̱ Ndios, ta yóo ra xíꞌin ún. Ta keꞌé ra ñava̱ꞌa ní ka̱ xíꞌin ún no̱o̱ ndiꞌi inka̱ násíꞌí.

San Lucas 1:28 交叉參考

San Mateo 12:48

Ta nda̱kuii̱n ta̱Jesús, ni̱ka̱ꞌa̱n ra xíꞌin ta̱yóꞌo: ―¿Yu kúu siꞌí i̱? ¿Ta yu kúu nañani i̱?

San Lucas 1:27

Kua̱ꞌa̱n ña koto ña ñii ñákuáa̱n loꞌo na̱ní ñá María, ñá ta̱ꞌán to̱nda̱a nda̱ ñii ta̱a kúu ñá. Ta xa ndási̱ ña tonda̱ꞌa̱ ñá xíꞌin ñii ta̱a na̱ní ra José, sa̱ꞌya ñani síkuá ta̱rey David kúu ra.

San Lucas 1:29

Ta ñáMaría xi̱ni ñá ñaángel yóꞌo, ta xi̱ni̱ so̱ꞌo ñá to̱ꞌon ña ni̱ka̱ꞌa̱n ña, ta ki̱xáꞌá ndíꞌi ní ini ñá, xáni si̱ni̱ ñá: “¿Nda̱chun ni̱ka̱ꞌa̱n ñaángel to̱ꞌon yóꞌo xíꞌin yó?”

San Lucas 1:30

Ta saá káꞌa̱n ka̱ ñaángel xíꞌin ñá: ―O̱n kuyi̱ꞌví ún, chi Ndios taxi ra ñii ñato̱ꞌó ní ndaꞌa̱ ún.

San Lucas 1:42

Ta xíꞌin ndiꞌi ndee̱ ñá ni̱ka̱ꞌa̱n ñá xíꞌin ñáMaría, káchí ñá saá: ―¡Ta káꞌno ní ka̱ ñava̱ꞌa ke̱ꞌé Ndios xíꞌin ún no̱o̱ ndiꞌi inka̱ násíꞌí ñoyívi yóꞌo! ¡Ta káꞌno ní ñava̱ꞌa keꞌé ra xíꞌin sa̱ꞌya ún!

Hechos 18:10

Saá chi yi̱ꞌi̱ yóo i̱ xíꞌin ún. Nda̱ ñii ni̱vi o̱n satakuéꞌe̱ na yóꞌó, chi yóo kua̱ꞌa̱ ní ni̱vi na ndíko̱n yi̱ꞌi̱ ñoo yóꞌo ―káchí ta̱Jesús xíꞌin ta̱Pablo ki̱vi̱ ni̱ti̱vi ra no̱o̱ ra.

Efesios 1:6

Va̱ꞌa ná kasa káꞌno ní yó Ndios, chi xa̱ꞌa̱ ñava̱ꞌa ini ra kúu ña na̱kiꞌin va̱ꞌa ra mi̱i yó, na kúu ni̱vi na táku̱ ini Jesucristo, ta̱a ta̱ kíꞌvi ní ini Ndios xíni ra.