San Juan 9:36 - Alacatlatzala Mixtec New Testament

³⁶ ―¿Yu kúu ta̱yóꞌo, tata? Ka̱ꞌa̱n ún xíꞌin i̱, chi kóni kandixa i̱ ra ―káchí ra, nda̱kuii̱n ra.

San Juan 9:36 交叉參考

San Mateo 11:3

ta ni̱nda̱ka̱ to̱ꞌon na ra, káchí na saá: ―¿Án yóꞌó kúu ta̱a ta̱ ndáti ndi̱ tiꞌví Ndios saka̱ku ra na ñoyívi yóꞌo, án kundati ka̱ ndi̱ inka̱ ra?

San Juan 1:38

Ta saá ta̱Jesús na̱ndikó koo ra ta ni̱nda̱ka̱ to̱ꞌon ra na, káchí ra saá: ―¿Yukía̱ ndúkú ndó? Ta nda̱kuii̱n na, ni̱nda̱ka̱ to̱ꞌon na ra, káchí na saá: ―Tata Rabí, ¿míkía̱ yóo veꞌe no̱o̱ kíndo̱o ún vitin? ―káchí na xíꞌin ra. (Ta to̱ꞌon Rabí kóni kachí ña Maestro.)

San Juan 9:37

Ta ni̱ka̱ꞌa̱n ta̱Jesús xíꞌin ra: ―Xíꞌin nduchu̱ no̱o̱ ún xa xi̱ni ún ra, ta̱a ta̱ káꞌa̱n xíꞌin ún vitin kúu ra ―káchí ra.

Romanos 10:14

Ta saá ni, tá o̱n ta̱ꞌán kandixa ni̱vi Ndios ndinoꞌo, ta, ¿ndasaá kuchiño kana na ra ña saka̱ku ra na? Tá o̱n ta̱ꞌán koni̱ so̱ꞌo ni̱vi to̱ꞌon xa̱ꞌa̱ Ndios, ta, ¿ndasaá kuchiño ni̱vi kandixa na ra? Ta, ¿ndasaá koo koni̱ so̱ꞌo ni̱vi yóꞌo to̱ꞌon xa̱ꞌa̱ Ndios, tá o̱n ko̱ó ni̱vi na ndato̱ꞌon xíꞌin na xa̱ꞌa̱ ra?