San Juan 7:42 - Alacatlatzala Mixtec New Testament

⁴² To̱ꞌon Ndios ña ni̱taa na xi̱na̱ꞌá káchí ña Cristo kuu ra ñii sa̱ꞌya ñani síkuá ta̱rey David, ta kaku ra ñoo Belén ña nákaa̱ estado Judea no̱o̱ xi̱taku̱ ta̱rey David, káchí to̱ꞌon Ndios ―káchí na, káꞌa̱n na.

San Juan 7:42 交叉參考

San Mateo 1:1

Yóꞌo va̱xi ki̱vi̱ naxi̱i̱ síkuá Jesucristo; ta̱yóꞌo kúu ra sa̱ꞌya ñani síkuá ta̱rey David, ta̱yóꞌo kúu sa̱ꞌya ñani síkuá ta̱Abraham na xi̱ndo̱o xi̱na̱ꞌá.

San Mateo 2:5

Ta nayóꞌo nda̱kuii̱n na, káchí na saá: ―Ñoo Belén ña ndáꞌvi ndaa estado Judea yóꞌo kaku ra, chi saá káchí to̱ꞌon Ndios ña ni̱taa ta̱profeta xi̱na̱ꞌá, káchí ña saá:

San Mateo 2:6

Ñoo Belén, ña ndáꞌvi ndaa estado Judea, kúu ña ñii ñoo ña ndáya̱ꞌví ní ka̱ no̱o̱ ndiꞌi ñoo; chi nda̱ ñoo yóꞌo kixi ta̱ kuiso chiño, ta kundaa ra nañoo Israel, káchí to̱ꞌon Ndios ña ni̱taa ta̱profeta ―káchí na ndíso chiño no̱o̱ nañoo judío xíꞌin ta̱rey Herodes.

San Lucas 2:11

Ki̱vi̱ vitin ka̱ku ñii ta̱loꞌo ñoo ta̱rey David, ta ta̱loꞌo yóꞌo kúu Ta̱a ta̱ Saka̱ku ndóꞌó. Ta Cristo Ta̱a ta̱Káꞌno no̱o̱ yó kúu ra.

San Lucas 2:4

Ña̱kán kía̱ ke̱e ta̱José ñoo ra Nazaret ña ndáꞌvi ndaa estado Galilea, ta kua̱ꞌa̱n ra ñoo Belén ña ndáꞌvi ndaa estado Judea, chi ta̱José kúu ra sa̱ꞌya ñani síkuá ta̱rey David, ta̱a ta̱ xi̱taku̱ ñoo Belén kui̱ya̱ xi̱na̱ꞌá.

San Juan 7:27

Ta ta̱yóꞌo o̱n ki̱ví kuu ra Cristo, chi xáni si̱ni̱ yó ndí nda̱ ñii ni̱vi o̱n koni̱ na míchí ki̱xi Cristo. Ta ta̱Jesús yóꞌo, xíni̱ yó ndá ñoo ki̱xi ra ―káchí na, káꞌa̱n na xíꞌin táꞌan na.